So mislinela o Jehova?

Angleder te ana nesavi odluka, bizi razlika dali tani bari ili tikni, dali pučaja amen: „So mislinela o Jehova?“ Iako nikogaš nane te haljova celosno sar razmislinela o Jehova, ov otkringja dovolno bukja ki Biblija te šaj te ova spremna „baši sekoja šukar buti“ (2Ti 3:16, 17; Ri 11:33, 34). O Isus jasno halilo koja tani e Devleskiri volja, hem najvažno sine leske te kerel adava (Jvn 4:34). Te dža palo leskoro primer hem te da sa amendar te ana šukar odluke kolencar so ka kera e Jehova bahtalo (Jvn 8:28, 29; Ef 5:15-17).

DIKH O VIDEOKLIPI TRUDIN TUT TE HALJOVE KOJA TANI E JEHOVASKIRI VOLJA (3MO 19:18), HEM PALO ADAVA ODGOVORIN KO AKALA PUČIBA:

• Soske valjani te primenina o bibliska načelija ko amaro životo?

• Kola bibliska načelija valjani te vlijajnen ko adava savi muzika ka birina?

• Kola bibliska načelija valjani te vlijajnen ko adava sar ka doterina amen hem ka urava amen?

• Ko kola javera aspektija taro životo šaj te primenina o bibliska načelija?

• So ka pomožinel amenge panda pošukar te džana so mangela o Jehova te kera?