O šukar ponašibe hem o hor poštovanje šaj te kovljarel nekaskoro vilo

But puti, amare phenja ple šukar ponašibaja pomožinena pumare romenge te prifatinen o čačipe. Ama, te šaj te ovel adava, nesave lendar valjani sine beršencar te trpinen but pharipa (1Pe 2:21-23; 3:1, 2). Ako tlo bračno partneri na postapinela tuja šukar, trudin tut te pobedine o lošnipe šukaripaja (Ri 12:21). Jekh buti so šaj te pottikninel tle bračno partnere te prifatinel o čačipe tano tlo šukar ponašibe, a na tle lafija.

Trudin tut te haljove tle bračno partnere — čhiv tut ki leskiri koža (Fp 2:3, 4). Sikav sočuvstvo hem poštovanje sprema tlo bračno partneri, hem trudin tut ko najšukar način te kere tli uloga ki familija. Šun šukar keda kerela lafi (Jk 1:19). Ov strplivo hem sikav mangipe te romeske te šaj te uverine le kaj mangea le. Čak ako tlo bračno partneri nikogaš na sikavgja tuke mangipe hem poštovanje sar tu so sikavea, ov sigurno kaj o Jehova but ceninela adava so sian verno (1Pe 2:19, 20).

DIKH O VIDEOKLIPI O JEHOVA POMOŽINELA AMENGE TE PHIRAVA AMARO PHARIPE, A PALO ADAVA ODGOVORIN KO AKALA PUČIBA:

• Savo životo sine la i Grejs Li, otkeda khuvgja ko brako?

• So privlečingja la ko biblisko čačipe?

• So pomožingja e phenjake te ikljol ko krajo e problemencar otkeda krstingja pe?

• So vakergja oj e Jehovaske ki molitva bašo plo rom?

• Save bereketija dobingja i phen i Grejs adaleske so ponašingja pe šukar hem so sikavgja hor poštovanje?