Cenin tlo amalipe e Jehovaja

Sar Jehovaskere svedokija isi amen bari čest. Adava so dengjem lafi kaj ka služina e Jehovaske hem krstingjem amen, dela amen šansa te zajaknina amaro lično amalipe lea. O Devel privlečingja amen preku plo Čhavo (Jvn 6:44). Ov šunela amare molitve (Ps 34:15).

Sar šaj te arakha amaro skapoceno amalipe so isi amen e Devlea? Jekh način tano agjaar so nane te kera o pogrešna bukja so kergje len o Izraelcija. Kratko otkeda kergje sojuz e Jehovaja, ola kergje zlatno telco hem adalea ule idolopoklonikija (2Mo 32:7, 8; 1Ko 10:7, 11, 14). Šukar tano te puča amen: Sar reagirinava keda isi man iskušenie te kerav nešto pogrešno? Dali me postapke sikavena kaj ceninava mlo amalipe e Jehovaja? O baro mangipe sprema amaro Dad soj ko nebo ka pomožinel amen te naša taro bukja so mrzinela len (Ps 97:10).

DIKH O VIDEOKLIPI ARAKH TLO AMALIPE E JEHOVAJA (KOL 3:5), A PALO ADAVA ODGOVORIN KO AKALA PUČIBA:

• Soj tani i lakomost?

• Soske valjani te pazina amen tari lakomost hem taro idolopoklonstvo?

• Ki koja smisla i preljuba tani slično sar idolopoklonstvo?

• Soske posebno okola so isi len pobare odgovornostija ki organizacija valjani te grižinen pe bašo potrebe ple bračno partnereskere?