Arakh tlo brako

O Jehova dikhela seriozno ko bračno zavet hem mangela o rom hem i romni te ačhoven zaedno (Mt 19:5, 6). Ko e Devleskoro narodo isi but bahtale brakija. Sepak, ni jekh brako nane sovršeno hem adaleske pojavinena pe problemija. Na smejnaja te prifatina o stavi kova soj tano voobičaeno ko sveto, kaj o odvojbe hem o razvod tano rešenie bašo bračna problemija. Sar šaj te arakha amaro brako?

Te dikha pandž bukja kola so ka pomožinen amen ko adava.

1. Arakh tlo vilo agjaar so ka izbegine bukja so šaj te keren šteta ko tlo brako, sar soj o flertujbe hem i nemoralno zabava (Mt 5:28; 2Pe 2:14).

2. Ov sa popaše e Jehovaja hem bajrar tli želba te kere le bahtalo tle brakoja (Ps 97:10).

3. Ponadari da urav i nevi ličnost hem ker čak tikne bukja tle bračno partnereske kolencar so ka kere leskoro životo pošužo (Kol 3:8-10, 12-14).

4. Neka ovel tut šukar komunikacija tle bračno partnerea (Kol 4:6).

5. Ispolnin tli bračno dolžnost mangipaja (1Ko 7:3, 4; 10:24).

Adalea so sikavaja poštovanje sprema o brako, sikavaja poštovanje hem sprema o Jehova, kova so kergja o brako.

DIKH O VIDEOKLIPI VALJANI „ISTRAJNO TE PRASTA“ — IKER TUT KO PRAVILIJA, A PALO ADAVA ODGOVORIN KO AKALA PUČIBA:

• 

  Save problemija šaj te pojavinen pe ko brako kova so sine le šukar početok?

• 

  Kola bibliska načelija šaj te pomožinen okolenge kola so mislinena kaj nane len mangipe ko brako?

• 

  Save pravilija dengja o Jehova bašo brako?

• So valjani te keren o solduj bračna partnerija te šaj te ovel lengoro brako uspešno?