O sveti duh pomožingja te ispolninel pe jekh but phari zadača

Beršencar e Devleskere sluge kergje but bare bukja, ama na adaleske soj tane sposobna, nego adaleske so pomožingja lenge o Jehova. Ko 1954 berš, e Jehovaskiri organizacija objavingja o filmi e naslovea E Jehovaskiri organizacija ki akcija. Akava filmi kergje le prvenstveno o phralja hem o phenja taro Betel kola so na sine len nisavo iskustvo ki akaja buti. Akava baro proekti sine uspešno završimo samo adaleske so o Jehova pomožingja ple sveti duhoja. Akava uverinela amen kaj šaj uspešno te završina sekoja zadača so dobinaja la ako potprinaja amen ko Jehova (Zh 4:6).

DIKH O KLIPI SAR KERGJA PE O FILMI „E JEHOVASKIRI ORGANIZACIJA KI AKCIJA“, A PALO ADAVA ODGOVORIN KO AKALA PUČIBA:

• Soske angja pe odluka te kerel pe filmi bašo glavno sedište?

• Sar ko filmi sine sikavdo kaj o Betel tano sar jekh manušikano telo? (1Ko 12:14-20).

• Save predizvikija sine e phralen džikote kergje o filmi, hem sar nakhavgje len?

• So sikljovaja bašo e Jehovaskoro sveti duh taro akava proekti?