Pomožin tle interesentenge te sikljon te proučinen

Te šaj o interesentija te zadovolinen ple duhovna potrebe hem te oven zrela hristijanja, nane dovolno te sikljoven samo o čačipa kola so amen sikavaja len (Mt 5:3; Ev 5:12 — 6:2). But tano važno ola korkori te proučinen.

Keda počminea te proučine nekasaja, sikav leske sar te spreminel pe bašo biblisko kursi hem ohrabrin le te kerel adava (mwb18.03 6). Pottiknin le te molinel pe angleder te počminel te proučinel. Sikav leske sar te koristinel o elektronska alatke bašo proučibe. Objasnin leske sar šaj te arakhel o najneve bukja so ikljovena ki jw.org hem ko JW Broadcasting^®. Pottiknin le te čitinel i Biblija sekova dive, sikav le sar te spreminel pe bašo sostanokija hem sar te istražinel te šaj te arakhel odgovor ko ple pučiba. Pomožin leske te razmislinel bašo adava so sikljovela.

DIKH O KLIPI POMOŽIN TLE INTERESENTENGE... TE SIKLJON TE PROUČINEN, A PALO ADAVA ODGOVORIN KO AKALA PUČIBA:

• 

  Sar i Nita pomožingja e Džejdake te haljovel kaj o proučibe tano but poviše nego samo te arakhen pe o odgovorija?

• 

  So pomožingja e Džejdake te uverinel pe kaj e Jehova isi le šukar pričina soske zabraninela o seksualno nemoral?

• 

  So halili i Džejd bašo hor razmislibe?