Koristin o lil Ov bahtalo zasekogaš te šaj te gradine vera ko Jehova hem ko Isus

Te šaj te ugodinel e Devleske, o interesenti valjani te ovel le silno vera (Ev 11:6). Amen šaj te resa dži ko lengoro vilo agjaar so ka koristina o lil Ov bahtalo zasekogaš. Ko akava lil isi glavna stihija, jasno objasnuvanje, praktična pučiba, motiviračka videoklipija hem šuže slike. Adalea so pomožinaja e interesenteske te razvinel hrsitijanska osobine hem paše amalipe e Devlea, amen gradinaja kvalitetno materijalea (1Ko 3:12-15).

Nesave manušenge pharo tano te zamislinen te oven amala e Devlea kole so na dikhena le. Adaleske valjani te pomožina len te pendžaren e Jehova hem te ovel len doverba ki leste.

DIKH O KLIPI GRADIN VERA KO JEHOVA AGJAAR SO KA KORISTINE O LIL OV BAHTALO ZASEKOGAŠ, HEM PALO ADAVA ODGOVORIN KO AKALA PUČIBA:

• Kotar džanaja kaj i phen spremingja pe šukar baši studija?

• Sar koristingja dodatna pučiba te šaj te pomožinel e interesentkake te vakerel ple čuvstvija bašo stihija taro Isaija 41:10, 13?

• Sar vlijajngje o klipi hem o bibliska stihija upri interesentka?

But manuša na haljovena i otkupnina, ili na dikhena ki late sar poklon taro Devel (Ga 2:20). Adaleske mora te pomožina lenge te razvinen vera ki otkupno žrtva e Isuseskiri.

DIKH O KLIPI GRADIN VERA KO ISUS AGJAAR SO KA KORISTINE O LIL OV BAHTALO ZASEKOGAŠ, HEM PALO ADAVA ODGOVORIN KO AKALA PUČIBA:

• Kotar džanaja kaj o phral spremingja pe šukar baši studija?

• Sar koristingja o delo „Istražin“ te šaj te pomožinel e interesenteske?

• Soske i molitva tani važno e interesenteske?