Arakh mudrost bašo sekojdnevno životo ki JW.ORG

E Devleskoro Lafi dela amen sa soj amenge potrebno te šaj te ikljova ko krajo e ispitencar so isi amen ko akala phare posledna dive (2Ti 3:1, 16, 17). Sepak, ponekogaš valjani amenge pomoš te arakha nesavo biblisko načelo baši nesavi posebno situacija. Na primer, dali sar roditeli rodea sovet te vospitine te čhave? Dali sar tinejdžeri isi tut predizvikija baši tli vera? Dali žalinea so mulo tutar nekoj taro tle paše? Šaj te arakhe informacie ki jw.org kola so ka sikaven tuke nesave bibliska načelija so ka pomožinen tuke ko asavke ili ko javera situacie (Iz 2:3-6).

Ki amari internet-stranica jw.org, dža ko delo BIBLISKA SIKLJOJBA. (Dikh i slika 1.) Tari adaja lista birin i kategorija koja so mangea. Ili, dža ki BIBLIOTEKA > RUBRIKE hem birin koja tema mangea. (Dikh i slika 2.) Ista kategorie šaj te arakhe ki JW Library^®.a Ka šaj te uživine ko akala statie ako phravea len ki amari internet-stranica ili ki amari aplikacija. Javer način te rode nesavi posebno tema tani ako džaja ko delo Rode ki jw.org.

Pišin akala teme ko delo Rode, hem zabeležin tuke o statie kola so mangea te čitine len.

• Vospitibe čhave

• Pomoš e tinejdžerenge

• Životo hem meribe