O brako — vrska so trajnela celo životo

O uspešno hristijansko brako anela falba e Jehovaske hem bahtalipe e romeske hem e romnjake (Mr 10:9). Te šaj te ovel len cvrsto hem bahtalo brako, o hristijanja mora te primeninen o bibliska načelija keda birinena bračno partneri.

Nane šukar te počminel pe vrska ko periodi keda o seksualna želbe tane but silna, soske adala želbe šaj te vlijajnen ko tle odluke (1Ko 7:36). Koristin mudro o vreme džikote sian korkori te bajrare tlo amalipe e Jehovaja hem te razvine o hristijanska osobine. Ako kerea akava, ka šaj te kere tlo brako da te ovel pouspešno.

Angleder te khuve nekasaja ko brako, le tuke dovolno vreme šukar te zapoznajne e javere (1Pe 3:4). Ako seriozno sumninea tut bašo nešto, tegani ker lafi lea ili laja. Ko brako valjani považno te ovel tuke adava so tu šaj te de, a na adava so ka dobine (Fp 2:3, 4). Ako ikerea tut ko bibliska načelija, ka postavine tuke šukar temeli bašo jekh bahtalo brako.

DIKH O KLIPI SPREMIN TUT BAŠO BRAKO (TRITO DELO): RAČUNIN O TROŠAKO, A PALO ADAVA ODGOVORIN KO AKALA PUČIBA:

• Sar napredujnela sine e phenjakiri vrska e Šejneja?

• So primetingja keda pošukar zapoznajngja le?

• Sar lakere roditelija pomožingje lake, hem koja mudro odluka oj angja?