29 APRIL — 5 MAJ
PSALMI 34 — 35
Gili 10 hem molitva | Uvodna lafija (1 min.)
1. „Ka falinav e Jehova ko sekova vreme“
(10 min.)
O David falingja e Jehova čak keda sine le pharipa (Ps 34:1; w07-MC 1/3 22, pas. 11)
O David dičinela pe sine e Jehovaja, a na korkori pea (Ps 34:2-4; w07-MC 1/3 22, pas. 13)
E Davideskere lafija, kola so falingje e Jehova, kergje pozorali i vera okolengiri so sine lea (Ps 34:5; w07-MC 1/3 23, pas. 15)
Otkeda o David spasingja pe taro Avimeleh hem sine ki pustina, ale 400 murša kola so sine but holjame e Sauleske (1Sa 22:1, 2). Šaj o David mislingja ko akala murša keda pišingja akava psalm (Ps 34, natpis).
PUČ TUT: Sar šaj te falinav e Jehova keda ka kerav nekasaja lafi o javer sostanok ki dvorana?
2. Duhovna biserija
(10 min.)
Ps 35:11 — Sar ispolningje pe o lafija taro akava stiho ko e Isuseskoro vreme? (w11-MC 15/8 14 pas. 9)
Kola duhovna biserija taro čitibe i Biblija akale kurkeske mangea te vakere len?
3. Čitibe i Biblija
(4 min.) Ps 34:1-22 (th lekcija 5)
4. Te počmina razgovorija
(2 min.) NEFORMALNO SVEDOČIBE. O razgovor završinela angleder te počmine te svedočine. (lmd lekcija 1, točka 4)
5. Te kera povtorna posete
(4 min.) NEFORMALNO SVEDOČIBE. (lmd lekcija 2, točka 4)
6. Objasnin tle veruvanja
(5 min.) Prikaz. lff lekcija 44: točke 1-3 — Tema: Sar e Jehovaskere svedokija odlučinena dali ka slavinen nesavo prazniko? (th lekcija 17)
Gili 59
7. Trin načinija sar te falina e Jehova ko sostanokija
(15 min.) Diskusija.
Ko amare sobraniska sostanokija isi amen šukar prilika te falina e Jehova. Te dikha trin lendar.
Razgovorija: Vaker kobor tano šukar o Jehova keda kerea lafi e javerencar (Ps 145:1, 7). Dali šungjan ili čitingjan nesavi konkretno misla so koristingja tuke? Dali isi tut nesavo šukar iskustvo tari služba? Dali nekoj ohrabringja tut agjaar so vakergja ili kergja nešto baši tuke? Dali primetingjan nešto taro stvorime bukja so posebno vooduševingja tut? Sa akala bukja tane poklon taro Jehova (Jk 1:17). Ako avea hari porano ko sostanokija ka ovel tu vreme te kere lafi e javerencar.
Komentarija: Trudin tut barem jekh puti ko sekova sostanok te komentirine (Ps 26:12). Šaj te de direktno odgovor ko pučibe, te komentirine baši nesavi dodatno misla taro pasus, bašo nesavo biblisko stiho, baši nesavi slika ili bašo adava sar te primenina o pouke. Adaleske so javera da šaj te vazden vas ko isto vreme, spremin tuke poviše komentarija. Ako amare komentarija tane 30 sekundija ili pohari, ka šaj poviše džene te da e Devleske „žrtva adalea so ka falina le“ (Ev 13:15).
Gilja: Giljav o teokratska gilja taro celo vilo (Ps 147:1). Šaj nane te ovel tut prilika te komentirine ko sekova sostanok, posebno ako sian ko baro sobranie, ama sekogaš isi tut prilika te učestvujne ko giljajbe o gilja. Čak ako mislinea kaj na giljavea šukar, o Jehova but ka radujnel pe ako dea tlo najšukar (2Ko 8:12). Šaj te spremine tut agjaar so ka vežbine o gilja khere.
Mukh o VIDEOKLIPI Amari istorija — o giljajbe tano poklon (prvo delo). Palo adava puč:
Sar ko purano vreme amari organizacija sikavgja kaj tano važno te giljaven pe gilja so falinena e Jehova?
8. Sobranisko proučibe i Biblija
(30 min.) bt-MC pogl. 9, pas. 1-7, o uvod bašo trito delo hem i ramka ki str. 70