28 APRIL — 4 MAJ
IZREKI 11
Gili 90 hem molitva | Uvodna lafija (1 min.)
1. Ma vaker adava!
(10 min.)
Ma vaker nešto kolea so ka kere šteta tle pašutneske (Iz 11:9; w02-MC 15/5 26, pas. 4)
Ma vaker nešto so ka anel podelbe (Iz 11:11; w02-MC 15/5 27, pas. 2-3)
Ma otkrin doverliva bukja (Iz 11:12, 13; w02-MC 15/5 27, pas. 5)
RAZMISLIBASKE: Sar e Isuseskere lafija soj pišime ko Luka 6:45 pomožinena amen te na vakera nešto so ka anel šteta e javerenge?
2. Duhovna biserija
(10 min.)
Iz 11:17 — Soske tano šukar te ova ljubezna? (g20.1-MC 11, ramka)
Kola duhovna biserija taro čitibe i Biblija akale kurkeske mangea te vakere len?
3. Čitibe i Biblija
(4 min.) Iz 11:1-20 (th lekcija 5)
4. Te počmina razgovorija
(4 min.) NEFORMALNO SVEDOČIBE. Rode prilika te vakere e manušeske nešto so sikliljan ko sostanok so sine sigende. (lmd lekcija 2: točka 4)
5. Te kera povtorna posete
(4 min.) NEFORMALNO SVEDOČIBE. Ker uvod bašo nesavo videoklipi taro glavna publikacie službake hem keren lafi baši leste (ma mukh o klipi). (lmd lekcija 8: točka 3)
6. Te vodina bibliska kursija
(4 min.) SVEDOČIBE KO JAVNA THANA. Nudin biblisko kursi hem sikav e manušeske sar izgledinela adava. (lmd lekcija 10: točka 3)
Gili 157
7. Ma dozvolin tle lafija te ruminen o mir
(15 min.) Diskusija.
Adaleske so siem nesovršena, sarine amen grešinaja amare lafencar (Jk 3:8). Ama, ako razmislinaja bašo problemija so šaj te aven keda vakeraja nešto pogrešno, adava ka pomožinel amen te na vakera nešto baši kova so pokasno ka pera pišmani. Ake nesave bukja so šaj te ruminen o mir ko sobranie:
Frdibe čalmi. Keda nekoj tano čalmdžija ov falinela pe hem kerela e javeren te ovel len natprevaruvačko duho hem zavist (Iz 27:2).
Nečesno keribe lafi. Ko adava nane vklučimo samo hovajba, nego hem lafija kolencar so keraja o javera te aven ko pogrešno zaklučok. Čak hem keda hari na siem česna šaj te uniština i doverba hem te kaljara amaro anav (Pro 10:1).
Ogovoribe. Adava tano keda kerela pe lafi e javere manušendar hem lengere životostar agjaar so prevrtinena pe o faktija ili otkrinena pe lična bukja (1Ti 5:13). Adava šaj te anel akošibe hem podelbe.
Keribe lafi holjaja. Adava tano keda bizi kontrola ikalea tli holi upri nekaste so nerviringja tut hem agjaar sikavea sar osetinea tut (Ef 4:26). Adava šaj nekas te povredinel (Iz 29:22).
Mukh o VIDEOKLIPI Cide tutar adava so ruminela o mir — izvadok. Palo adava puč:
So sikliljan bašo adava kobor lokhe šaj amare lafija te ruminen o mir ko sobranie?
Te šaj te dikhe so kergje te ovel palem mir, dikh o videoklipi „De tutar sa te ovel mir“.
8. Sobranisko proučibe i Biblija
(30 min.) bt-MC pogl. 25, pas. 14-21