O Isus „siklilo te ovel poslušno“

O Isus otsekogaš sine poslušno e Jehovaske (Jovan 8:29). Tegani, soske ki Biblija pišinela: „Siklilo te ovel poslušno taro adava so cidingja muke“? (Evr. 5:8).

Džikote sine ki phuv, o Isus doživingja bukja kola so na doživingja len ko nebo. Na primer, leskere roditelija mangena sine e Jehova, ama sine nesovršena (Luka 2:51). O lošna verska vodačija hem o nepravedna vladetelija ponašinena pe sine but lošno lea (Mat. 26:59; Mar. 15:15). Osven adava, ov mulo ko jekh but mučno način. Ki Biblija baši leste pišinela: „Sikavgja bari poniznost hem ulo poslušno dži ko meribe“ (Fil. 2:8).

Taro akala iskustvija o Isus siklilo te ovel poslušno ko jekh but pojaver način. Agjaar, ov ulo sovršeno Cari hem Prvosvešteniko kova so šaj te haljol amare slabostija (Evr. 4:15; 5:9). O Isus ulo poskapoceno hem pokorisno e Jehovaske otkeda siklilo te ovel poslušno taro adava so cidingja muke. Amen da šaj te ova poskapocena e Jehovaske hem te ova pokorisna baši bilo koja zadača koja so šaj ka del la amenge ako ačhovaja poslušna čak keda ka arakhljova ko phare okolnostija (Jak. 1:4).