Lekcija 16

Tli odluka te služine e Devleske

So mora te kjere te šaj te ove e Devleskoro amal? (1, 2)

Sar vetinejatu e Devleske? (1)

Kjeda valjani te krstinetu? (2)

Sar šaj te dobine sila te šaj te ačhove verno e Devleske? (3)

1. Te ove e Devleske amal, mora te oveltu šukar spoznanie baši vistina tari i Biblija (1. Timotej 2:3, 4), te ovel tu vera ko bukja so sikljiljanlen (Evreite 11:6), te kainetu bašo te grevija (Dela 17:30, 31) hem te smenine to dživdipe sar so rodela o Devel (Dela 3:19). Tegani tlo mangipe sprema o Devel ka terineltu te vetinetu oleske. Odova značinela korkoro ki molitva te vakjereleske kaj ka de tutar sa te kjere leskiri volja (Matej 16:24; 22:37).

2. Otkjeda vetingjantu e Devleske, ­valjani te krstinetu ko pani (Matej 28:19, 20). Odoleja so ka krstinetu ko pani ka sikave sarinegje kaj vetingjantu e Devleske. Šaj te krstinenpe samo okola so i tane zrela te šaj korkoro te anen odluka te služinen e Devleske. Kjeda ­nekoj ka krstinelpe, valjani celo te ovel telo pania (Marko 1:9, 10; Dela 8:36).

3. Otkjeda ka vetinetu, o Jehova ka rodel tutar te dživdine sar so vetingjan leske (Psalmi 50:14; Propovednik 5:4, 5). O Beng ka mangel te sprečineltu te služine e Jehovaske (1. Petrovo 5:8). Ama, ov popaše uzo Devel preko i molitva (Filipjanite 4:6, 7). Čitin i Biblija sakova dive (Psalmi 1:1-3). Ačhov i poodori delo taro sobranie (Evre­ite 13:17). Ako kjergjan odova ka ­dobine sila te ­ačhove ­verno e Devleske. Tegani ka šaj te kjere večno ­odova so rodela tutar o Devel!

[Fusnota]