1 DELO

Sar amen šunaja e Devle?

O Devel kerela amencar lafi preku i Biblija (2. Timotej 3:16)

Taro nebo o Devel vodingja e manušen te pišinen i Biblija

O čačutno Devel vodingja e manušen te pišinen leskere misle ko jekh sveto lil. Adava lil tano i Biblija. Ki late isi but važna informacie kola so o Devel mangela te džane len.

O Devel džanela soj i najšukar amenge hem ov tano najmudro. Ako šunea le, ka ove čače mudro (Izreki 1:5).

I Biblija ko but čhibja; manuš čitinela i Biblija ki pli čhib

O Devel mangela sarine ki Phuv te čitinen i Biblija. Oj tani prevedimi ko but čhibja.

Ako mangea te šune e Devle, mora te čitine hem te haljove i Biblija.

Segde o manuša šunena (Matej 28:19)

Jekh taro e Jehovaskere svedokija čitinela stiho jekhe manušeske, palo adava proučinela lea i Biblija

E Jehovaskere svedokija šaj te pomožinen tu te haljove i Biblija.

Ki celo Phuv, ola sikavena e javeren o čačipe bašo Devel.

Sostanok ki dvorana e Jehovaskere svedokongiri

Na valjani te de love bašo adava. Tu šaj isto agjaar te sikljove bašo Devel ki najpaše Sala e Jehovaskere svedokongiri.