Sar dikhea ki Biblija?

SO VAKERELA I BIBLIJA

„Celo Lil [i Biblija] tano taro Devel“ (2. Timotej 3:16).

SO ZNAČINELA AKAVA TUKE

Šukar odgovorija bašo najvažna pučiba so sekova manuš pučela pe (Izreki 2:1-5).

Šukar sovetija sar te dživdinel pe (Psalm 119:105).

Čačutni nadež bašo vakti so avela (Rimjanite 15:4).

ŠAJ LI TE VERUNJA E BIBLIJAKE?

Oja, najhari taro trin pričine:

• Sa lakere lila kerena lafi baši jekh tema. I Biblija sine pišimi pobuter taro 1.600 berša taro 40 različna manuša. Pobuter lendar nikogaš na dikhle pe jekh jekhea. Ama, celo Biblija kerela lafi baši jekh tema!

• O manuša so pišinge la sine iskrena. O manuša so pišinena i istorija, but puti garavena keda lengoro narodo sine pobedimo. Ama, okola so pišinge i Biblija iskreno pišinge hem ple greške hem pumare narodoskere (2. Letopisi 36:15, 16; Psalm 51:1-4).

• O proroštva so pherdile. Ki Biblija sine vakerdo kaj ka ovel uništimi i purani diz Vavilon 200 berša angleder te ovel adava (Isaija 13:17-22). Sine vakerdo na samo sar ka perel o Vavilon nego o anav da e manušeskoro so ka osvonjel le! (Isaija 45:1-3).

  Isto agjaar, but javera da proroštva tari Biblija pherdile ko sa, agjaar sar so sine pišimo. Akava tano baš adava so šaj te adžikera taro e Devleskoro Lafi (2. Petrovo 1:21).