18 LEKCIJA

Vaker informacie kolendar so ka sikljovel pe

1. Kor. 9:19-23

SO TE KERE: Pottiknin e manušen so šunena tut te razmislinen hem ko krajo te haljoven kaj siklile nešto korisno.

Razmislin kola bukja tane pendžarde e manušenge so šunena tut. Namesto samo te povtorine misle kola so džanena len, pomožin lenge te dikhen o bukja tari javer strana.

Ma ker but lafi bašo bukja kola soj lenge pendžarde, namesto adava odvojn poviše vreme keda valjani te kere lafi baši nesavi misla so šaj tani lenge nevi.
Istražin hem razmislin. Keda šaj, objasnin o glavna misle agjaar so ka kere lafi bašo bukja kola so nane but pendžarde ili bašo nešto so ulo sigende. Hor razmislin bašo materijali hem bašo adava sar tano povrzimo e bukjencar so mangea te vakere len.

Keda spreminea tut bašo materijali, razmislin agjaar so ka puče tut pučiba sar soj: so, soske, keda, kote, koj hem sar. Džikote ikerea tlo govor, puč nesave taro akala pučiba hem odgovorin ki lende te šaj o govor te ovel poživo.
Istaknin koja tani i korist taro adava so vakerea. Objasnin sar šaj o misle tari Biblija te pomožinen e manušenge ko lengoro životo. Ker lafi bašo konkretna situacie, stavija hem postapke kola soj lenge važna.