Ov ednostavno

So kergja o Isus?

VIDEOKLIPI: O Isus koristinela sporedba te sikavel sar amaro Dad grižinela pe amenge

1. Dikh o VIDEOKLIPI ili čitin Matej 6:25-27. Palo adava razmislin bašo akala pučiba:

1. a) Savi sporedba vakergja o Isus te šaj te sikavel kaj o Jehova grižinela pe amenge?

2. b) Iako o Isus džanlja but bukja bašo čiriklja, ki savi ednostavno buti koncentriringja pe? Soske adava sine šukar način?

So sikljovaja taro Isus?

2. Keda sikavaja e manušen ko ednostavno način, ola šaj adava te pamtinen le hem te khuvel lenge ko vilo.

Dža palo e Isuseskoro primer

3. Ma ker but lafi. Namesto te vakere sa so džanea baši jekh tema, koncentririn tut ko materijali soj tano dendo ki publikacija so proučinena la. Otkeda ka puče e interesente o pučibe strplivo adžiker te odgovorinel. Ako na džanela o odgovor ili vakerela nešto so nane ko sklad adalea so sikavela i Biblija, koristin dodatna pučiba te šaj te pomožine leske te haljovel i tema. Keda ka haljol o interesenti i glavno poenta, džan ponadari.

4. Koristin adava so o interesenti više džanela te šaj te pomožine le te haljol o neve bukja. Na primer, angleder te počminen te proučinen i lekcija bašo voskresenie, kratko povtorinen so ovela e manušencar keda merena, te šaj te dikhe save bukja džanela.

5. Šukar birin save sporedbe ka vakere. Angleder te vakere nesavi sporedba, puč tut:

1. a) Dali i sporedba tani ednostavno?

2. b) Dali e interesenteske ka ovel lokho te haljol la?

3. v) Dali ka pamtinel i pouka ili samo i sporedba?