Sar te da šukar komentarija

O šukar komentarija kerena pozoralo o sobranie (Ri 14:19). Ola tane korisna adlenge da so komentirinena len (Iz 15:23, 28). Adaleske tano šukar te postavina amenge cel te komentirina ko sekova sostanok barem po jekh puti. Ama, adava na značinela kaj sekova puti keda ka vazda amaro vas, ka den amen te komentirina. Adaleske, šukar tano te spremina amenge pobuter komentarija.

Šukar komentari tano keda...

• tano ednostavno, jasno hem kratko. Šaj te vakera le bašo 30 sekundija ili pohari

• keda vakeraja le amare lafencar

• na povtorinaja adava so vekje komentaringje

Ako komentirineja prvo...

• de ednostavno hem direktno odgovor ko pučibe

Ako o pučibe tano vekje odgovorimo, tu šaj...

• te phene nesavo stiho soj povrzimo e temaja so razgledinena la

• te vakere nesavi misla so šaj te odnesinel pe bašo amaro životo

• te objasnine sar šaj te ovel amenge korisno o materijali

• te raskažine kratko iskustvo povrzimo e temaja