Ker pošukar i služba — te kera lafi sa e manušencar ko amaro podračje

SOSKE TANO VAŽNO: O Zaharija prorokujngja kaj o manuša taro sa o čhibja hem nacie ka prifatinen o šukar haberi (Zh 8:23). Ama, koj ka sikavel len bašo adava? (Ri 10:13-15). Isi amen prednost hem odgovornost te vakera o šukar haberi sarinenge ko amaro podračje (od 84 str., 10-11 pas.).

SAR TE KERA ADAVA:

• Spremin tut. Dali arakhea manušen so kerena lafi ki javer čhib? Šaj te koristine i aplikacija JW Lan­guage te šaj te sikljove jekh kratko prezentacija. Isto agjaar, ko tlo mobilno telefoni šaj te sikave e manušeske sar te arakhel poviše informacie ki pli čhib ko jw.org

• Ov vnimatelno. Ako propovedinea taro kher ko kher, ma mukh i prilika te svedočine e javerenge da. Ker lafi okolencar so nakhena adathar ili so adžikerena ko vrdija. Ako svedočinea ko prometna thana, ma bistre kaj amari cel tani te da svedoštvo

• Ov temelno. De tutar sa te arakhe adalen so na arakhljan len khere. Trudin tut te kere lafi barem nekasaja taro sekova kher, ker adava ko različno vreme taro dive ili ko javer dive taro kurko. Nesave manušenge šaj ka valjani te pišine pismo, te rode len ko telefoni ili te svedočine lenge ki ulica

• Dža ko adala so sikavgje interes. Ker adava kobor so šaj posigate. Ako o manuš kerela lafi ki javer čhib, trudin tut te arakhe nesave objavitele so šaj te pomožinel le ki leskiri čhib. Ama sa džikote na posetinela le objaviteli so kerela lafi ki leskiri čhib, valjani tu te posetine le (od 94 str., 39-40 pas.)

DIKH O VIDEOKLIPI PROPOVEDINAJA „SA DŽI KO NAJDUR THANA KI PHUV“, HEM ODGOVORIN KO PUČIBA:

• 

  So kerena o phralja hem o phenja te šaj te aven dži ko manuša so živinena ko izolirime thana? (1Ko 9:22, 23)

• 

  Save prepreke valjani sine te nakhaven?

• 

  Save bereketija sine len?

• So šaj tu te kere te šaj te svedočine poviše manušenge ko tlo podračje?