BARVALIPA TARO E DEVLESKORO LAFI | LUKA 8-9
So valjani te kere te šaj te dža palo Isus?
Te šaj te randel prava brazde, o manuš so randela na mukhela adava so ovela pali leste te lel leskoro vnimanie. Slično agjaar, jekh hristijani ne smejnela te mukhel o bukja taro sveto so mukhlja len pali peste te len leskoro vnimanie (Fp 3:13).
Keda isi amen pharipa, šaj but lokhe te počmina te roda o „šukar“ purane dive, ili o vreme angleder te ova hristijanja. Šaj te mislina kaj poangle sine amen pohari problemija hem kaj siem sine pobahtale. Baš adava kergje o Izraelcija keda iklile taro Egipet (4Mo 11:5, 6). Ako stalno mislinaja bašo adava, šaj te irana amen ko životo so vodinaja sine poangle. Kobor pošukar tano te mislina bašo bereketija so isi amen avdive hem keda ka vladinel e Devleskoro Carstvo! (2Ko 4:16-18).