Družin tut okolencar so mangena e Jehova

Soske valjani te družina amen okolencar so mangena e Jehova? Adaleske so o društvo šaj te vlijajnel upri amende ili pozitivno ili negativno (Iz 13:20). Na primer, o cari o Joas kerela sine „adava soj tano ispravno ko e Jehovaskere jakhja“ sa džikote družinela pe sine e prvosveštenikoja, e Jodajea (2Le 24:2). Palo meribe e Jodajeskoro, o Joas mukhlja e Jehova adaleske so sine le lošno društvo (2Le 24:17-19).

Ko prvo veko tari a.e., o apostol Pavle sporedingja o hristijansko sobranie jekhe „bare kherea“, a o členija taro sobranie „čarencar“. Ka ova „čare so koristinena pe bašo šukar bukja“ ako pazinaja te na ova paše okolencar so kerena bukja so na mangela len o Jehova, pa čak nekasaja tari amari familija ili nekoj taro sobranie (2Ti 2:20, 21). Adaleske, ponadari da te družina amen okolencar so mangena e Jehova hem so ohrabrinena amen te služina leske.

DIKH O VIDEOKLIPI TE ARAKHA AMEN TARO LOŠNO DRUŠTVO, A PALO ADAVA ODGOVORIN KO AKALA PUČIBA:

• Sar šaj, bizo te primetina, te družina amen lošno društvoja?

• So pomožingja e duje phralenge hem e phenjake te ciden pe taro lošno društvo?

• Kola bibliska načelija šaj te pomožinen tuke mudro te birine kasaja ka družine tut?