„Bašo adava razmislinen“

O lafija taro Filipjanite 4:8 pottikninena amen te razmislina bašo bukja soj čačutne, pravedna, čista, pofalna hem šukar. Normalno, akava na značinela kaj celo vreme valjani te razmislina samo baši Biblija. Sepak, mora te trudina amen amare misle te oven ko sklad adalea so mangela o Jehova. Na valjani te mislina ko bukja so ka keren amenge pharo te ačhova verna e Jehovaske (Ps 19:14).

Nane lokho te cida amendar o nečista misle. Osven so borinaja amen amare nesovršeno teloja, mora te pazina amen taro Satana, „o devel akale svetoskoro“ (2Ko 4:4). Adaleske so kontrolirinela o mediumija ko sveto, baro delo taro sodržine ki televizija, ko radio, ko internet, ko novine, ko lila hem ko spisanija tane nepristojna. Ako na pazinaja solea pheraja amari godi, amare misle ka ruminen pe, a adava ko krajo ka vlijajnel hem ko amare postapke (Jk 1:14, 15).

DIKH O VIDEOKLIPI ARAKH TUT TARO ADAVA SO ŠAJ TE ČHINAVEL TUT TE OVE VERNO — ŠTETNO ZABAVA, A PALO ADAVA ODGOVORIN KO AKALA PUČIBA:

• 

  So dikhela sine o phral ko plo mobilno, hem sar adava vlijajngja upri leste?

• 

  Sar pomožingje leske o lafija taro Galatite 6:7, 8 hem taro Psalm 119:37?