O Jehova mangela e čista manušen

„Thov tle vasta. Čistin tli soba. Thov o čare. Frde o gjubre.“ But roditelija sikavena pumare čhaven te oven čista ko fizičko pogled. Ama, o načelija baši čistota dengja len amenge amaro sveto Devel (2Mo 30:18-20; 5Mo 23:14; 2Ko 7:1). Keda siem čista amen hem amare lična bukja, amen anaja falba e Jehovaske (1Pe 1:14-16). Ama sar tano amare kherencar hem e okolinaja kote so živinaja? Nesave manuša frdena gjubre ki ulica hem ko parkija, ama e Devleskere sluge kerena sa te šaj te ovel i Phuv čisto (Ps 115:16; Ot 11:18). Čak ko tikne bukja dikhela pe savo stavi isi amen sprema i čistota, sar na primer, kote frdaja o gjubre taro bonbonija, limenke ili mastike. Mangaja ko sa te sikava „kaj siem e Devleskere sluge“ (2Ko 6:3, 4).

DIKH O VIDEOKLIPI O DEVEL MANGELA E ČISTA MANUŠEN, A PALO ADAVA ODGOVORIN KO AKALA PUČIBA:

• Save izgovorija šaj te ovel nekas so na grižinela pe te oven čista leskere lična bukja?

• Sar e Mojseeskoro zakoni pomožinela amenge te džana sar o Jehova dikhela ki čistota?

• Sar šaj te falina e Jehova bizo lafija?