Kobor ceninea e Devleskoro Lafi?

Ki Biblija tane pišime o misle hem o izjave e Jehovaskere, o Avtori akale sveto lileskoro (2Pe 1:20, 21). Ki late tano istaknimo kaj e Devleskoro Carstvo ka dokažinel kaj e Jehova isi le pravo te vladinel upro sa hem kaj panda hari adžikerela amen pošukar vreme. I Biblija isto agjaar sikavela amenge kobor tano šukar amaro Dad soj ko nebo, o Jehova (Ps 86:15).

Sekoj amendar ceninela i Biblija taro različna pričine. Ama, dali sikavaja kaj ceninaja la adalea so čitinaja la sekova dive hem trudinaja amen te primenina la ko amaro životo? Amare postapkencar te sikava kaj isi amen isto stavi sar so sine e psalmiste kova so vakergja: „Kobor mangava tlo zakoni!“ (Ps 119:97).

DIKH O VIDEOKLIPI OLA CENINENA SINE I BIBLIJA — IZVADOK (VILIJAM TINDEJL), A PALO ADAVA ODGOVORIN KO AKALA PUČIBA:

• 

  Soske o Vilijam Tindejl prevedingja nesave delija tari Biblija?

• Soske adava so trudingja pe te prevedinel i Biblija tano but vpečatlivo?

• Ko kova garavdo način sine ande ki Anglija kopie tari akaja Biblija?

• Sar šaj sekoj amendar te sikavel kaj ceninela e Devleskoro Lafi?