So šaj te sikljova taro amare muzička spotija

Kola taro amare muzička spotija posebno svidžinena pe tuke? Soske svidžinena pe tuke? Dali bašo adava so ki lende sikavena pe situacie taro sekova dive? Adaleske so akala spotija isi len različno muzičko stili hem isi len različna teme, sekoj šaj ki lende te arakhel nešto so ka svidžinel pe leske. Ama, amare muzička spotija isi len javer da cel.

Lendar šaj te sikljova pouke bašo amaro životo hem baši služba. Nesave lendar tane bašo gostoprimstvo, jekhipe, amalipe, hrabrost, mangipe hem vera. Ko javera kerela pe lafi bašo adava sar nekoj šaj te iranel pe ko Jehova, sar šaj te prostina, te čhiva amenge duhovna celija hem sar te ova verna e Devleske sekova dive. Ki jekh gili kerela pe lafi čak bašo adava sar te koristina o mobilna telefonija ko uramnoteženo način. Kola javera pouke sikliljan taro amare muzička spotija?

DIKH O MUZIČKO SPOTI BAŠ NA PRAGOT, A PALO ADAVA ODGOVORIN KO AKALA PUČIBA:

• Bašo kola bereketija so ka oven ki idnina razmislinela o pophuro bračno pari? (1Mo 12:3).

• So šaj panda poviše te uverinel amen kaj e Jehova isi le mokj te ispolninel ple vetuvanja?

• Kaste edvaj adžikeraja te dikha ki idnina?

• Sar amari nadež bašo Carstvo pomožinela amenge te izdržina o nevolje so isi amen akana? (Ri 8:25).