Ov odlučno te ačhove verno e Jehovaske

SOSKE TANO VAŽNO: Panda hari ka slučinen pe strašna bukja kola so ka čhiven ko ispit amari hrabrost hem doverba ko Jehova sar nikogaš angleder. I bari nevolja ka počminel agjaar so ka ovel uništimi i hovavni religija (Mt 24:21; Ot 17:16, 17). Džikote trajnela akava pharo periodi, verojatno ka objavina oštro poraka baši osuda (Ot 16:21). Isto agjaar ka ova napadime taro Gog taro Magog (Eze 38:10-12, 14-16). Te šaj te zaštitinel ple narodo, o Jehova ka počminel i „vojna so ka ovel ko baro dive e Semokjno Devleskoro“ (Ot 16:14, 16). Ka šaj hrabro te soočina amen e bukjencar so ka aven samo ako panda akana ačhovaja verna e Jehovaske keda isi amen ispitija ki vera.

SAR TE KERA ADAVA:

• Hrabro te branina e Jehovaskere uče moralna merilija hem te živina sprema lende (Isa 5:20).

• Ponadari da te služina e Jehovaske zaedno amare phralencar (Ev 10:24, 25).

• Spremno te šuna o vodstvo tari e Jehovaskiri organizacija (Ev 13:17).

• Te razmislina sar o Jehova ko purano vreme spasingja ple narodo (2Pe 2:9).

• Te molina amen hem te ovel amen doverba ko Jehova (Ps 112:7, 8).

DIKH O VIDEOKLIPI NASTANIJA SO KA OVEN KOLENGE SO KA VALJANEL AMENGE HRABROST — IZVADOK, A PALO ADAVA ODGOVORIN KO AKALA PUČIBA:

• 

  Sar sine čhivdi ko ispit e objavitelengiri poslušnost keda lengoro sobranie spojngja pe e javere sobraniencar?

• 

  Sar tane povrzime i hrabrost hem i poslušnost?

• 

  Soske ka valjanel amenge hrabrost keda ka avel o Armagedon?

• 

  Kova biblisko izveštaj šaj te kerel pozorali amari vera kaj e Jehova isi le mokj te spasinel amen? (2Le 20:1-24).