TE ŽIVINA SAR HRISTIJANJA
Falin e Jehova adalea so ka služine sar pioneri
E Izraelcon sine len but pričine te falinen e Jehova. Ov spasingja len taro egipetsko ropstvo hem tari vojska e faraoneskiri (2Mo 15:1, 2). O Jehova avdive da grižinela pe ple narodoske. Sar šaj te sikava leske amari blagodarnost? (Ps 116:12).
Jekh način tano agjaar so ka služina sar pomošna ili opšta pionerija. Šaj te moline e Jehova te del tut i želba hem i sila te služine sar pioneri (Fp 2:13). But džene prvo počminena e pomošno pionersko službaja. Ko masekija mart hem april hem ko masek keda o pokrainsko nadgledniko posetinela tumaro sobranie šaj te ove pomošno pioneri ili 30 ili 50 saatencar. Otkeda ka osetine o bahtalipe so anela i pomošno pionersko služba šaj ka mange te počmine e opšto pionersko službaja. Čak nesave so kerena celosno rabotno vreme buti ili isi len problemija sastipaja uspejnena te oven opšta pionerija (mwb16.07 8). Čače vredinela te trudina amen te falina e Jehova soske ov zaslužinela adava! (1Le 16:25).
DIKH O VIDEOKLIPI TRIN PHENJA TARI MONGOLIJA, A PALO ADAVA ODGOVORIN KO AKALA PUČIBA:
Te šaj te oven pionerija save pharipaja mora sine te ikljoven ko krajo o trin phenja?
Save bereketija sine len?
Save javera prilike ki služba bašo Jehova sine len adaleske so sine opšta pionerija?
Sar lengoro primer vlijajngja upro javera?