Šaj li te de e Jehovaske tli sila hem tlo vreme?

Sar so prorokujngja o Isaija, e Jehovaskiri organizacija bajrola sar nikogaš angleder (Isa 54:2). Adaleske so bajrola doborom sigate, valjanena amenge neve dvorane, kongresna sale hem javera teokratska objektija. Otkeda ka gradinen pe, valjani te održinen pe, a sar so nakhela o vreme nesave valjani te renovirinen pe. Sar asavke proektija dena amen prilika te da e Jehovaske amaro vreme hem sila?

• Šaj te pomožina keda amari grupa propovedibaske tani ko redo te čistinel pe i sala.

• Šaj te prijavina amen te dobina obuka bašo adava sar te održina amari sala.

• Šaj te phera i Molba za lokalen dobrovolec za izgradba (DC-50) te šaj privremeno te pomožina ki izgradba ili ko održibe o teokratsko objektija ko thana paše kote so živinaja.

• Šaj te phera i Molba za dobrovolec (A-19) te šaj te pomožina jekh kurko ili poviše vreme ko Betel ili ko jekh javer teokratsko objekti ko podračje tari amari podružnica.

DIKH O VIDEOKLIPI KO PLANI TANO NEVO GRADEŽNO PROEKTI — IZVADOK, A PALO ADAVA ODGOVORIN KO SLEDNA PUČIBA:

• Sar barilo o broj e videoklipengoro taro 2014 berš dži akana?

• Adaleske so amari organizacija kerela sa poviše videoklipija, savo proekti tano planirimo hem keda valjani te kerel pe adava?

• Sar šaj o dobrovolcija te pomožinen ko akava proekti?

• Ako mangea te pomožine ki izgradba ko nesavo pobaro teokratsko objekti, soske valjani te phere i molba (DC-50) hem te učestvujne ko proektija kola so nadgledinela len o Lokalno oddel bašo proektiribe hem gradibe?

• So sikavela kaj o Jehova vodinela akava proekti?

• Sar šaj te poddržina akava proekti, čak ako našti lično te pomožina ko gradibe?