Kaj sian tu ko drumo so ingarela dži ko krstibe?
TE ŽIVINA SAR HRISTIJANJA
Birin te služine e Jehovaske
Ako proučinea i Biblija e Jehovaskere svedokoncar ili sian terno nekrsteno objaviteli, dali čhivgjan tuke cel te krstine tut? Soske valjani te mange te krstine tut? Adalea so ka de lafi kaj ka služine e Jehovaske hem ka krstine tut, tu ka ove paše e Jehovaja ko jekh posebno način (Ps 91:1). Osven adava, agjaar šaj te ove spasimo (1Pe 3:21). So šaj te pomožinel tuke te ispolnine akaja cel?
Uverin tut kaj akava tano o čačipe. Keda pojavinena pe tuke nesave pučiba, proučin hem istražin te šaj te doznajne o odgovor (Ri 12:2). Razmislin save promene valjani te kere, hem palo adava o mangipe sprema o Jehova neka pottikninel tut te kere adala promene (Iz 27:11; Ef 4:23, 24). Sekogaš rode lestar pomoš ki molitva. Ov uverimo kaj o Jehova ka del tut sila hem ka poddržinel tut ple mokjno sveti duhoja (1Pe 5:10, 11). Adava so trudinea tut, nane džabe. Nane ništo pošukar taro adava te služine e Jehovaske! (Ps 16:11).
DIKH O VIDEOKLIPI O DRUMO DŽI KO KRSTIBE, A PALO ADAVA ODGOVORIN KO AKALA PUČIBA:
Save predizvikija valjangje te nakhaven nesave te šaj te krstinen pe?
Sar šaj te ovel tut vera so ka pottikninel tut te de lafi e Jehovaske kaj ka služine leske celo životo?
Kola bukja pottikningje nesave phralen hem phenjen te keren o potrebna čekorija te šaj te krstinen pe?
Save bereketija dobinena okola so odlučingje te služinen e Jehovaske?
So značinela te de lafi e Jehovaske kaj ka služine leske hem te krstine tut?