Praktična predlogija bašo sostanokija baši služba

O sostanokija baši služba, sar sa o javera sobraniska sostanokija, tane poklon taro Jehova kola so pomožinena amenge te sikava mangipe hem šukaripe (Ev 10:24, 25). Akala sostanokija valjani te trajnen pandž dži ko efta minutija, hem ko akava vreme valjani te organizirinen pe o grupe, te den pe o podračja hem te vakerel pe i molitva. (O sostanok baši služba valjani te trajnel pokratko ako angleder sine javer sostanok.) O phral so vodinela o sostanok valjani te spreminel nešto praktično e phralenge hem e phenjenge kola so ka džan ki služba adava dive. Na primer, ko sostanokija sabota šaj te kerel pe lafi bašo adava sar te počminel pe razgovor e manušencar. Akava šaj but te pomožinel e phralenge hem e phenjenge kola so na sine ki služba taro prethodno vikend. Ake nesave javera da praktična bukja kolenge so šaj te kerel pe lafi:

• Jekh taro predlogija bašo razgovor taro Amaro životo hem služba — listija spremibaske

• Sar te počminel pe razgovor bašo nesavo nastan so ulo sigende ili nesavi informacija taro vestija

• Sar te odgovorinel pe ko prigovor so obično vakerena le

• Sar te kerel pe lafi nekasaja soj ateisti, so verujnela ki evolucija, nekasaja so kerela lafi ki javer čhib ili so pripadinela ki javer religija koja so nane voobičaeno bašo tumaro podračje

• Sar te koristina nesave bukja tari amari internet-stranica jw.org, tari aplikacija JW Library^® ili tari Biblija

• Sar te koristina nesave taro amare glavna publikacie službake

• Sar te kera amari služba preku telefoni, preku pišibe pismija, svedočibe ko prometna thana, povtorna posete ili bibliska kursija

• Te potsetina amen baši bezbednost, te prilagodina amen, šukar te ponašina amen, te ovel amen pozitivno stavi, ili nešto slično

• Te kera lafi baši nesavi lekcija ili videoklipi tari brošura Ov sa pošukar ko čitibe hem sikajbe

• Sar te ohrabrina hem te pomožina amare partnere ki služba

• Te kera lafi bašo nesavo stiho ili ohrabruvačko iskustvo povrzimo e službaja