Sar šaj o phenja te keren poviše bašo Jehova?

E phenjen isi len važno uloga ko sa so kerela pe bašo Carstvo (Ps 68:11). Ola vodinena but bibliska kursija hem poviše opšta pionerija tane phenja. Osven adava, but vredna phenja služinena ko Betel, sar misionerija, sar dobrovolcija ili sluge gradibaske, hem sar preveduvačija. O zrela phenja zajakninena pumare familien hem o sobranie (Iz 14:1). Iako našti te služinen sar starešine ili sluga-pomošnikija, sepak ola šaj te čhiven peske duhovna celija. Ako sian phen, save celija šaj te čhive tuke?

• Steknin šukar osobine (1Ti 3:11; 1Pe 3:3-6)

• Pomožin e phenjenge ko sobranie kola so nane len but iskustvo (Tit 2:3-5)

• Trudin tut te nakhe poviše vreme ki služba hem te kere la pokvalitetno

• Sikljov javer čhib

• Služin adari kote so isi pobari potreba

• De molba te kere buti ko bašo Betel ili te pomožine ko gradibe teokratska objektija

• De molba baši Škola bašo polnovremena objavitelija

DIKH O KLIPI DŽUVLJA KOLA SO TRUDINENA PE KO GOSPODARI, A PALO ADAVA ODGOVORIN KO AKAVA PUČIBA:

• Sar ohrabringje tut o komentarija e phenjengere?