DE TUTAR SA KI SLUŽBA | OV POBAHTALO KI SLUŽBA
Pomožin e interesentenge te aven ko sostanokija
O sobraniska sostanokija tane važno delo taro amaro obožavibe (Ps 22:22). Sarine so khedena pe te obožavinen e Jehova bahtale tane hem isi len bereketija (Ps 65:4). Obično, o interesentija napredujnena posigate keda avena redovno ko sostanokija.
Sar šaj te pomožine e interesentenge te aven ko sostanokija? Redovno kanin len te aven ko sostanok. Sikav lenge o klipi So kerela pe ki e Jehovaskiri svedokongiri dvorana? Vaker lenge sar pomožinena amenge o sostanokija (lff lekcija 10). Šaj te vakere lenge so sikliljan ko sostanok ili bašo so ka kerel pe lafi ko sledno sostanok. De e interesentenge o publikacie so ka koristinen pe ko sostanok. Isto agjaar, pomožin len ko praktično način. Šaj valjani lenge pomoš te aven dži ko sostanok. Sekoja pomoš ka ovel bašo šukaripe e interesenteskoro. Keda ka avel prvo puti ko sostanok adava šaj te silno te vlijajnel upri leste (1Ko 14:24, 25).
DIKH O KLIPI POMOŽIN E INTERESENTENGE TE UČESTVUJNEN KO SOSTANOKIJA, A PALO ADAVA ODGOVORIN KO AKALA PUČIBA:
Koja prilika koristingja i Nita te šaj te kaninel e Džejda ko sostanok?
Soske siem bahtale keda o interesenti avela ko sostanok?
„Čače o Devel tano maškar tumende“
Sar osetingja pe i Džejd keda ali prvo puti ko sostanok?