Pionersko služba

Amen koristinaja mudro amari sila keda čhivaja amenge duhovna celija te šaj te kera nešto poviše e Jehovaske (1Ko 9:26). O celija ka pomožinen amenge te šaj te koristina najšukar so šaj amaro vreme ko akala posledna dive (Ef 5:15, 16). Džikote ikerena tumari familijarno rat, soske na probinena te čhiven tumenge celija bašo nevo službeno berš? Ko akava broj taro listija spremibaske isi nekobor statie so ka pomožinen tut te razmisline bašo nesave celija hem te moline tut (Jk 1:5).

Na primer, ako sarine sar familija sorabotinena, šaj te pomožinen barem jekheske taro tumaro kher te ovel pioneri. Ako sumninea tut kaj bašo tle okolnostija našti te ispolnine o saatija so rodena pe tutar, ker lafi nesave pionerencar so arakhljovena ki slično situacija sar tli (Iz 15:22). Šaj te kaninen jekhe pionere ki tumari familijarno rat hem te pučen le sar uspejnela ov te kerel pli služba. Palo adava ker tuke raspored. Ako služingjan angleder sar pioneri razmislin dali tle okolnostija dozvolinena tuke palem te služine.

Dali šaj nekoj tari tli familija te služinel sar pomošno pioneri jekh masek ili poviše? Ako isi tut problemija sastipaja šaj te ove pomošno pioneri agjaar so ka dža ki služba sekova dive pohari vreme. A ako nane tut but vreme adaleske so kerea buti celo rabotno vreme ili džaja ki škola, šaj te birine masek kote so isi praznikija ili isi le pandž vikendija. Ko kalendari pišin keda mangea te služine sar pomošno pioneri, hem ker tuke raspored (Iz 21:5).

DIKH O KLIPI OV HRABRO... PIONERI, HEM PALO ADAVA ODGOVORIN KO AKAVA PUČIBE:

• Sar e Emakoro iskustvo sikavela amenge kobor o Jehova mangipaja grižinela pe okolenge so kerena žrtve te oven pionerija?