Čhiv tuke celija baši Spomen-svečenost

Sekova berš, e Jehovaskoro narodo edvaj adžikerela te ikerel zaedno i Spomen-svečenost. O kurke angleder hem pali Spomen, amen mangaja te koristina o posebna prilike te falina e Jehova hem te sikava amari blagodarnost baši otkupnina (Ef 1:3, 7). Na primer, trudinaja amen te kanina e javeren baši Spomen-svečenost. Nesave šaj te keren promene te šaj te služinen sar pomošna pionerija 30 ili 50 saatencar ko masekija mart ili april. Mangea li te bajrare tli služba ko akava periodi? So ka pomožinel tuke te kere adava?

But puti, šaj poviše te postignina ako planirinaja angleder (Iz 21:5). Adaleske so panda hari ka ovel i Spomen-svečenost, valjani akana te počmina te planirina. Razmislin sar šaj te bajrare tli služba ko periodi keda tani i Spomen hem odlučin so valjani te kere te šaj te uspejne ko adava. Palo adava, molin tut e Jehovaske te pomožinel tut (1Jo 5:14, 15).

Šaj li te razmisline ko kola načinija šaj te bajrare tli služba?