TE ŽIVINA SAR HRISTIJANJA

Dali sian spremno baši ekonomsko kriza?

Amen na siem iznenadime ako o svetska nastanija anena dži ki nestabilno ekonomsko kriza. Soske? Adaleske so živinaja ko krajo taro posledna dive, hem i Biblija predupredinela amen te na nadina amen „ko barvalipe so nane sigurno“ (1Ti 6:17; 2Ti 3:1). So šaj te sikljova taro primer e careskoro e Josafateskoro bašo adava sar te spremina amen baši ekonomsko kriza?

Keda o okolna narodija zakaningje pe e Josafateske, le sine le doverba ko Jehova (2Le 20:9-12). Ov isto agjaar kergja praktična čekorija te šaj te spreminel e narodo agjaar so zaštitingja o dizja hem čhivgja vojnikija (2Le 17:1, 2, 12, 13). Isto sar o Josafat, amen da mangaja te kera praktična čekorija te šaj te ova spremna bašo phare vremija.

SAR ŠAJ TE OVA SPREMNA BAŠI EKONOMSKO KRIZA?

Ko duhovno pogled: Sikljov te ove zadovolno adalea so isi tut hem zajaknin tli doverba ki e Jehovaskiri sposobnost te grižinel pe bašo tle sekojdnevna potrebe (Mt 6:26; 1Ti 6:8). Nikogaš ma čhinav te ikere tut ko bibliska načelija samo te šaj te zadovoline adala potrebe (Ri 2:21). Razmislin sar šaj ponadari da duhovno te hranine tut ako nane struja ili internet. Ako šaj, garav tuke nesave pečatime publikacie hem angleder perav tuke publikacie ko elektronsko formati.

Ko materijalno pogled: Namalin tle borčija hem o nepotrebna trošakija angleder te pojavinel pe ekonomsko kriza (Iz 22:7). Ako šaj čhiv tuke ki strana jekh razumno količina taro hajbe hem javera potrebna bukja. Te šaj te štedinen pare, nesave sadinena peske zelenčuk ki bavča.

DIKH O KLIPI DALI SIAN SPREMNO BAŠI PRIRODNO KATASTROFA?, A PALO ADAVA ODGOVORIN KO AKALA PUČIBA:

Scena taro klipi „Dali sian spremno baši prirodno katastrofa?“ Sikavde tane tikne slike kote so dikhjola jekh Biblija, ranco hem telefoni hem manuša so kerena buti.

Sar šaj te spremina amen baši prirodno katastrofa?

Tlo odgovor

Scena taro klipi „Dali sian spremno baši prirodno katastrofa?“ Phralja pomožinena ko jekh than kote so slučingja pe prirodno katastrofa agjaar so kerena gradežno buti hem ikalena materijalija taro jekh kamioni.

Sar šaj te ova spremna te pomožina e javerenge?

Tlo odgovor