TE ŽIVINA SAR HRISTIJANJA

Sikav sar e Jehovaskoro verno mangipe

O Jehova tano najbaro primer bašo adava sar te sikavel pe verno mangipe, ili lojalno mangipe (Ps. 36:5). Asavko mangipe nane samo momentalno čuvstvo so nakhela sigate. Ko verno mangipe tano vklučimo te ovel pe nekasaja but paše hem asavko mangipe nikogaš na čhinavgjola. O Jehova sikavgja e Izraelconge ko but načinija akaja osobina. Oslobodingja len taro Egipet kote so sine robija hem angja len ki Vetimi phuv (Ps 105:42-44). O Jehova boringja pe bašo plo narodo hem sekogaš prostinela sine lenge keda grešinena (Ps 107:19, 20). Ako hor razmislinaja sar o Jehova sikavgja verno mangipe, amen da siem pottiknime te dža palo leskoro primer (Ps 48:9, fus.).

Slike: Crtime slike taro videoklipi „Hor razmislin sar o Jehova sikavela verno mangipe“. 1. O phral Ben hem jekh javer phral tane ki poseta ki jekh phen. 2. O phral o Ben kova soj tano ko zatvor dela hajbaske jekhe phrale soj nasvalo.

DIKH O VIDEOKLIPI HOR RAZMISLIN SAR O JEHOVA SIKAVELA VERNO MANGIPE, A PALO ADAVA ODGOVORIN KO AKALA PUČIBA:

Ko kola načinija šaj te sikava verno mangipe?

Tlo odgovor
Soske valjani te kera žrtve te šaj te sikava verno mangipe?

Tlo odgovor