Koristin i početno strana tari JW.ORG ki služba

Ki početno strana tari JW.ORG isi statie hem videoklipija soj tane kerde te oven interesna e iskreno manušenge so nane Svedokija (Ap 13:48). But puti isi teme kola soj vakerde ko vestija ili bašo kola so o manuša razmislinena hem kerena lafi.

Sar šaj te koristine i početno strana tari JW.ORG ki služba?

• Redovno proverin i internet-stranica. Dikh kola statie ko momenti arakhljona ko delo „Amaro predlog“, hem razmislin sar šaj te koristine len te šaj te pomožine nekaske soj zainteresirimo. (Te šaj te dikhe kola statie hem videoklipija sigende sine ki početno strana, mečin ko „Dikh poviše“.) Adava so ka džane save tane o najneve informacie ki internet-stranica ka pomožinel tuke te oven tut neve idee baši služba.

• Koristin o statie hem o videoklipija soj tane ki početno strana te šaj te počmine razgovor. Ola šaj te den amen ideja bašo so verojatno razmislinena o manuša ko amaro podračje.

• Sikav e manušenge i početno strana. Istaknin nesave konkretna teme hem sikav e stanareske sar te rodel ki strana.

• Bičhal link. Nesave manuša na mangena te keren lično amencar lafi, ama mangena te phraven amari internet-stranica. Adaleske slobodno bičhal link tari početno strana nesave manušeske soj zainteresirimo, nesavi statija ili videoklipi.