TE ŽIVINA SAR HRISTIJANJA
Tumen o roditelija — sikaven tumare čhaven te radujnen e Jehova
E Jehovaske o terne tane but skapocena. Ov dikhela keda ola duhovno napredujnena hem keda istrajnena (1Sa 2:26; Lk 2:52). Čak ako tane but terne, o čhave šaj te radujnen e Jehovaskoro vilo adalea so šukar ka ponašinen pe (Iz 27:11). Preku pli organizacija, o Jehova grižingja pe e roditelen te ovel len sa so valjani te šaj te sikaven pumare čhaven te mangen le hem te oven leske poslušna.
DIKH O KLIPI ČHAVALEN, KEDA SIEN ISTRAJNA RADUJNENA E JEHOVA!, A PALO ADAVA ODGOVORIN KO AKALA PUČIBA:
Sar beršencar o Jehova pomožinela hem dela vodstvo e ternenge?
Kola bukja avdive šaj te koristinen o roditelija te šaj te pomožinen pumare čhavenge?
Ako sian terno, so koristingja tuke taro adava so dengja o Jehova preku pli organizacija e ternenge, hem soske?