Korisna predlogija

Dali pomožinena tuke o objasnime stihija taro Priračniko istražibaske e Jehovaskere svedokongoro?

Akala objasnuvanja šaj te pomožinen tuke pohor te proučine e Devleskoro Lafi. Ki lende šaj te oven vklučime detalija bašo adava keda hem kote sine pišimo nesavo stiho, so slučingja pe ko adava vreme, soske hem kaske tano pišimo ili so značinena nesave konkretna lafija ili rečenice.

Hem ki ONLAJN BIBLIOTEKA hem ki JW Library^® šaj direktno taro nesavo biblisko stiho te phrave publikacie so arakhljovena ko Priračniko istražibaske. Akala publikacie šaj te arakhe len ki kolona tari desno strana so pojavinela pe ko bibliska prevodija soj tane dostapna athe.

Keda koristinea adala publikacie dikh šukar o datumija. O najneve publikacie pojavinena pe najupre. Ako džaja potele šaj te arakhe popurane statie kote so šaj te oven purane haljojba.

• O publikacie taro Priračniko istražibaske so objasninena o stihija tane avtomatski dostapna ki ONLAJN BIBLIOTEKA.

• Te šaj te phrave o publikacie so objasninena o stihija ki JW Library, perav o Priračniko istražibaske hem proverin dali isi tut i najnevi verzija. Te šaj te perave o Priračniko istražibaske, dža ki Biblioteka, palo adava ko Indeks, tegani mečin ki posledno verzija taro Priračniko istražibaske.