Koristin i Biblija sar ajna

O učeniko o Jakov sporedinela i Biblija ajnaja koja so pomožinela amen te dikha save siem andral (Jak. 1:22-25). Sar šaj te koristina i Biblija sar ajna ko ispravno način?

Čitin vnimatelno. Ako samo sigate dikhaja amen ki ajna, šaj te na primetina nesavi bari fleka. Slično, ako samo sigate čitinaja i Biblija, nane te primetina save promene valjani te kera ki amari andruni ličnost. Adaleske, valjani vnimatelno te čitina i Biblija.

Koncentririn tut ko adava so valjani tu te menine, a na o javera. Ako iranaja i ajna hari ki strana, tegani ka šaj te dikha e javerengere maane. Slično, šaj te koristina i Biblija te šaj te otkrina e javerengere slabostija. Ama, adava nane te pomožinel amen te popravina amare slabostija.

Ov razumno. Ako dikhaja amen ki ajna hem celo vreme dikhaja adava so na svidžinela pe amenge, šaj te obeshrabrina amen. Valjani te ova razumna džikote čitinaja e Devleskoro Lafi hem te na očekujna amendar poviše taro adava so očekujnela o Jehova (Jak. 3:17).