Fusnota

a Dali šungjan nekas so beršencar služinela e Jehovaske te vakerel: „Nikogaš na mislingjum kaj ka phujrovav ko akava sveto“? Sarine amen edvaj adžikeraja te avel o krajo akale lošno svetoskoro, posebno ko akala phare dive. Sepak, mora te sikljova te ova strpliva. Ki akaja statija ka dikha bibliska načelija kola so šaj te pomožinen amenge te ova strpliva. Isto agjaar, ka dikha duj situacie kote so mora strplivo te adžikera e Jehova. Ko krajo, ka dikha save bereketija vetingja o Jehova okolenge kola soj spremna te adžikeren.