• Sar ulo o životo?
    Ov bahtalo zasekogaš — biblisko kursi

    • 3. Ko so razlikujnena pe o manuša taro životne?

      Otkeda stvoringja i Phuv, o Jehova stvoringja hem o životo ki late. Prvo, i Phuv phergja la rasteniencar hem životnencar. Palo adava, „o Devel kergja e manuše sprema plo liko“. (Čitin 1. Mojseeva 1:27.) So kerela e manušen te oven različna taro životne? Adaleske so siem stvorime sprema e Devleskoro liko, amen šaj te sikava leskere osobine sar soj o mangipe hem i pravda. Isto agjaar, o Devel dengja amen sposobnost te sikljova čhibja, te cenina i umetnost hem te uživina ki muzika. Osven adava, amen šaj te obožavina amare Stvoritele, nešto so o životne našti te keren.

  • Sar ulo o životo?
    Ov bahtalo zasekogaš — biblisko kursi

    • 5. Isi šukar pričine te verujna ko biblisko izveštaj bašo stvoribe

      Ki Biblija, ki 1. Mojseeva ko prvo poglavje, pišinela sar sine stvorimi i Phuv hem o životo ki late. Šaj li te verujne ko adava izveštaj, ili mislinea kaj adava tano samo jekh paramis? Dikh o VIDEOKLIPI, a palo adava keren lafi bašo akala pučiba:

      VIDEOKLIPI: Dali sine stvorimo o univerzum? — izvadok (3:51)

      Slike: Scena taro videoklipi „Dali sine stvorimo o univerzum? — izvadok“. 1. O šov dive taro stvoribe sprema adava sar dikhela nekoj soj ki Phuv. 2. I Phuv palo šov stvoribaskere dive kote so dikhjola o kham, o kopno, o pani, o rastenija, o čiriklja, o životne hem o manuša.

      • Dali i Biblija vakerela kaj i Phuv hem o životo ki late sine stvorime bašo šov dive taro 24 saatija?

      • Dali tano logično hem razumno te verujna ko biblisko izveštaj bašo stvoribe, hem soske mislinea agjaar?

      Čitin 1. Mojseeva 1:1, a palo adava keren lafi bašo akava pučibe:

      • O naučnikija vakerena kaj o univerzum isi le početok. Dali lengoro zaklučok tano ko sklad e stihoja so akana čitingjem tari Biblija?

      Nesave manuša pučena pe dali o Devel koristingja evolucija te šaj te stvorinel o životo. Čitin 1. Mojseeva 1:21, 25, 27, a palo adava keren lafi bašo akala pučiba:

      • Dali ki Biblija pišinela kaj o Devel stvoringja jekh ednostavno životno oblik, a palo adava dozvolingja ov te evoluirinel ko mačhe, životne hem manuša? Ili palem, o Devel stvoringja sa o osnovna životna „vrste“?