• Dali tle jakhja dikhena ko Jehova?
    Stražarsko kula (Bašo proučibe) 2018 | Juli

    • 9. Save upatstvija dengja o Jehova e Mojsejeske, ama so kergja ov? (Dikh i slika ko početok tari statija.)

      9 So kergja o Mojsej keda o narodo buningja pe? Akava da puti dikhlja ko Jehova hem rodingja lestar vodstvo. Ama, akava puti o Jehova na vakergja leske te khuvel ki karpa. Ov vakergja leske te lel plo kaš, te khedel e narodo paše uzi karpa hem te vakerel e karpake te mukhel pani (4. Moj. 20:6-8). Dali o Mojsej kergja adava? Na. Ov sine doborom nervozno hem holjamo so čak vikingja e manušenge: „Šunen akana, tumen so sien buntovnikija! Valjani li tari akaja karpa te ikala tumenge pani?“ Palo adava ov khuvgja ki karpa e kaštea, hem adava na jekh puti, nego duj puti (4. Moj. 20:10, 11).

      O Mojsej na šungja o neve upatstvija so dengja le o Jehova

  • Dali tle jakhja dikhena ko Jehova?
    Stražarsko kula (Bašo proučibe) 2018 | Juli

    • SAR BUNTUJNGJA PE O MOJSEJ

      12. Koja šaj sine panda jekh pričina soske o Jehova holjangja e Mojsejeske hem e Aroneske?

      12 Šaj isi panda jekh pričina soske o Jehova holjangja e Mojsejeske hem e Aroneske. O Mojsej vakergja e narodoske: „Valjani li tari akaja karpa te ikala tumenge pani?“ Keda vakergja „te ikala tumenge“, verojatno mislingja ki peste hem ko Aroni. Adalea, o Mojsej ni hari na sikavgja poštovanje sprema o Jehova soske na dengja i celo falba e Jehovaske bašo adava čudo. Ko Psalm 106:32, 33 pišinela: „Predizvikujngje holi ko panja ki Meriva, adaleske o Mojsej doživingja nevolja baši lende. Ola holjankergje le, adaleske kergja lafi bizo te razmislinel“ (4. Moj. 27:14). O Mojsej na dengja i čest e Jehovaske koja so zaslužinela la sine. O Jehova vakergja e Mojsejeske hem e Aroneske: „Tumen buningjen tumen protiv mli zapoved“ (4. Moj. 20:24). Adava sine but seriozno grevo!

      13. Soske i kazna so dengja o Jehova e Mojsejeske sine pravedno?

      13 Adaleske so o Mojsej hem o Aron vodinena sine e Devleskere narodo, o Jehova adžikerela sine lendar poviše (Luka 12:48). Angleder, o Jehova na mukhlja jekh celo generacija Izraelcija te khuven ki Vetimi phuv adaleske so buningje pe protiv leste (4. Moj. 14:26-30, 34). Adaleske sine pravedno hem o Mojsej te dobinel isto kazna soske ov da buningja pe protiv o Jehova. Isto sar e javere buntovnikonge, e Mojsejeske da na sine dozvolimo te khuvel ki Vetimi phuv.