• So vakerela i Biblija bašo angelija?
    Ov bahtalo zasekogaš — biblisko kursi
    • Različna predmetija so koristinena pe ko spiritizam, kote soj vklučimo jekh tabla kolaja so vikinena pe duhija, jekh kristalno topka, jekh lil bašo vampirija, tarot karte, vudu kukle, tharo temjani hem amajlije.

      5. Naš taro spiritizam!

      O Satana hem o demonija tane e Jehovaskere dušmanja. Ola tane hem amare da dušmanja. Čitin Luka 9:38-42, a palo adava keren lafi bašo akava pučibe:

      • So kerena o demonija e manušenge?

      Amen na mangaja o demonija te vlijajnen upri amende. Čitin 5. Mojseeva 18:10-12, a palo adava keren lafi bašo akala pučiba:

      • Ko kola načinija o demonija mangena te aven amencar ko kontakt? Kola taro akala bukja tane voobičaena ko than kote so živinea?

      • So mislinea, dali tano šukar adava so o Jehova zabraninela o spiritizam hem soske?

      Dikh o VIDEOKLIPI, a palo adava keren lafi bašo akala pučiba:

      VIDEOKLIPI: „Protivinen tumen e Bengeske“ (5:02)

      • So mislinea, dali i amajlija so čhivgja i Palesa ple čhajake sine opasno hem soske?

      • So valjani sine te kerel i Palesa te šaj te zaštitinel pe taro demonija?

      O čačutne hristijanja sekogaš protivinena pe sine e demonenge. Čitin Dela 19:19 hem 1. Korinkjanite 10:21, a palo adava keren lafi bašo akava pučibe:

      • Ako isi tut nesave bukja soj povrzime e demonencar, soske tano važno te uništine len?

      Jekh džuvli uništinela razna predmetija so koristinena pe ko spiritizam agjaar so tharela len.
  • So ovela amencar keda meraja?
    Ov bahtalo zasekogaš — biblisko kursi

    • 2. Soske tano šukar te džana so čače ovela keda meraja?

      But džene darana taro meribe hem taro mule. Ama, adava so vakerela i Biblija bašo mule šaj te ovel but utešno. O Isus vakergja: „O čačipe ka oslobodinel tumen“ (Jovan 8:32). Sprotivno taro adava so sikavena nesave religie, i Biblija sikavela kaj e manuše nane le duša koja so živinela palo meribe. Adava značinela kaj nikoj na mučinela pe palo meribe. Isto agjaar, adaleske so o mule nane svesna bašo ništo, ola našti ni te povredinen amen. Adaleske na valjani te obožavina e mulen hem na valjani te kera nisave adetija lenge, a ni te molina amen baši lengiri duša.

      Nesave manuša vakerena kaj šaj te keren lafi e mulencar. Ama, adava našti te ovel soske, sar so siklilem angleder, „o mule na džanena ništo“. Okola so mislinena kaj kerena lafi e mulencar, ola šaj ustvari kerena lafi e demonencar kola so kerena pe sar o manuša so mule. Adava so džanaja o čačipe bašo mule zaštitinela amen taro demonija. O Jehova predupredinela amen te na probina te ava ko kontakt e mulencar, soske mangela te zaštitinel amen taro demonija. (Čitin 5. Mojseeva 18:10-12.)