But tano korisno te proučine i Biblija. Ama, adava šaj nane te ovel tuke sekogaš lokho te kere. Ponekogaš šaj ka puče tut: „Dali šaj te prodolžinav te proučinav i Biblija?“ Soske vredinela ponadari da te trudine tut te proučine i Biblija? So ka pomožinel tuke te istrajne čak keda tuke pharo?

1. Soske vredinela te proučine i Biblija?

„E Devleskoro Lafi tano dživdo hem silno“ (Evreite 4:12). I Biblija tani but skapoceno adaleske so sikavela so osetinela hem so mislinela o Devel baši tuke. Oj na samo so pomožinela tuke te sikljove but bukja bašo Devel, nego isto agjaar dela tut čačutni mudrost hem nadež. Ama soj panda považno, i Biblija pomožinela tuke te ove e Jehovaskoro amal. Keda proučinea i Biblija, tu mukhea oj te vlijajnel upri tute hem te kerel tlo životo pošukar.

2. Soske tano važno te haljove kobor tano vredno o čačipe tari Biblija?

O čačipa tari Biblija tane sar skapoceno barvalipe. Adaleske i Biblija ohrabrinela amen te kina o čačipe hem nikogaš te na bikina le (Izreki 23:23). Ako haljovaja kobor tane vredna o čačipa tari Biblija, ka trudina amen ponadari da te proučina la, čak keda ka pojavinen pe amenge nesave predizvikija. (Čitin Izreki 2:4, 5.)

3. Sar šaj te pomožinel tuke o Jehova ponadari da te proučine?

Sar semokjno Stvoriteli hem tlo amal, o Jehova džanela tut najšukar hem mangela te pomožinel tuke te sikljove baši leste. Ov šaj te del tut „sila“ te proučine leskoro Lafi. (Čitin Filipjanite 4:13.) Adaleske, ako ponekogaš šaj nane te ovel tut volja te proučine ili ka ovel tuke pharo te primenine adava so sikljovea, o Jehova ka pomožinel tuke. Isto agjaar, ov šaj te del tut pobari sila te nakhave o predizvikija ili o protivibe. Redovno molin e Jehova te pomožinel tuke ponadari da te proučine i Biblija (1. Solunjanite 5:17).

DOZNAJN POVIŠE

4. Sar šaj te sikave kaj tuke but važno tlo biblisko kursi?

Ponekogaš šaj te mislina kaj siem but zafatime hem kaj nane amen vreme te proučina i Biblija. So šaj te pomožinel amenge tegani? Čitin Filipjanite 1:10, a palo adava keren lafi bašo akala pučiba:

• So mislinea, kola tane nesave taro najvažna bukja ko životo?

• Sar šaj te sikave kaj tuke but važno tlo biblisko kursi?

1. (1) Ako prvo pherea i kofa pošikaja, a palo adava čhivea o bara tegani o bara nane te resen andre

2. (2) Ako prvo čhivea o bara ki kofa, tegani ka ovel poviše than te khedel i pošik da andre. Slično agjaar, ako čhivea ko prvo than o najvažna bukja ko tlo životo, ka ovel tut vreme te kere na samo adala bukja, nego hem javera da

Amen sar manuša isi amen potreba te pendžara hem te obožavina e Devle. Ako na keraja adava našti te ova bahtale. Adaleske, valjani te proučina i Biblija. Čitin Matej 5:3, a palo adava keren lafi bašo akava pučibe:

• Soske tano važno o proučibe te čhiva le ko prvo than?

5. Ačhov cvrsto keda ka ovel tut protivibe

VIDEOKLIPI: Nagradimo baši mli istrajnost (5:22)

• Sar reagiringje e Frančeskoskiri daj hem leskere amala keda vakergja lenge so sikljovela?

• Sar sine nagradimo bašo adava so ačhilo istrajno?

Čitin 2. Timotej 2:24, 25, a palo adava keren lafi bašo akala pučiba:

• So mislinela tli familija hem tle amala bašo adava so sikljovea?

• Sprema akala stihija, sar valjani te reagirine keda nekoj nane bahtalo bašo adava so proučinea i Biblija, hem soske?

6. Rode pomoš taro Jehova

VIDEOKLIPI: O Jehova pomožinela amenge te kera promene (3:56)

• Save promene kergja o Džim te šaj te ovel poslušno e Jehovaske?

• So svidžinela pe tuke najviše taro leskoro primer?

Čitin Evreite 11:6, a palo adava keren lafi bašo akala pučiba:

• So ka kerel o Jehova okolenge „so rodena le revno“, javere lafencar, okolenge so trudinena pe te pendžaren le hem te oven leske poslušna?

• So sikljovea taro akava bašo adava sar osetinela pe o Jehova keda dikhela kaj trudinea tut te proučine i Biblija?

SO SIKLILEM

Iako nane sekogaš lokho, o proučibe i Biblija šaj te pomožinel tuke te ove bahtalo zasekogaš. Ponadari da rode pomoš taro Jehova hem ov ka nagradinel tut.

Sar ka odgovorine?

• Soske o bibliska čačipa tane tuke skapocena?

• Sar šaj te sikave kola bukja tane tuke najvažna?

• Soske valjani te rode pomoš taro Jehova te šaj ponadari da te proučine i Biblija?

ISTRAŽIN

Dikh štar metode so pomožingje bute manušenge mudro te koristinen pumaro vreme.

„Dali si vo trka so vremeto?“ (Razbudete se! taro fevruari 2014)

Dikh sar o Jehova pomožingja jekhe romnjake kolakoro rom na haljola sine adava so oj kerela bašo Devel.

O Jehova dela amen sila te izdržina (5:05)

Dikh sar jekhe rome sine le korist taro adava so leskiri romni sine istrajno.

Ispitingjum o čačipe (6:30)

Ponekogaš nesave krivinena e Jehovaskere svedokon kaj rasturinena o familie. Ama, dali adava tano čače?

„Dali e Jehovaskere svedokija rasturinena o familie ili kerena len pozorale?“ (internet statija)

Sarine valjani te ana odluke. O odluke so anaja len isi len baro vlijanie upri amende hem upro amaro odnos e Jehovaja. Na primer, šaj valjani te odlučina kote ka živina, sar te grižina amen bašo amare finansiska potrebe hem dali te khuva ko brako ili na. Keda anaja šukar odluke, amen šaj te ovel amen bahtalo životo hem te kera e Jehova bahtalo.

1. Sar šaj i Biblija te pomožinel tuke te ane šukar odluke?

Angleder te ane nesavi odluka, molin e Jehova baši pomoš hem istražin ki Biblija te šaj te haljove sar o Jehova dikhela ki adaja buti. (Čitin Izreki 2:3-6.) Bašo nesave bukja, o Jehova dengja jasno zapoved. Ko asavke situacie najšukar tano te šuna adaja zapoved.

Ama, so ako nane jasno zapoved ki Biblija bašo adava so valjani te kere? O Jehova tegani da ka vodinel tut „ko drumo koleste so valjani te dža“ (Isaija 48:17). Sar? Preku o načelija so arakhljovena ko leskoro Lafi. O bibliska načelija tane osnovna bibliska čačipa kola so pomožinena amenge te haljova so mislinela o Devel hem so osetinela bašo nesave bukja. But puti taro nesavo izveštaj ki Biblija šaj te sikljova so o Jehova mislinela baši nesavi buti. Keda džanaja sar o Jehova dikhela ki nesavi buti, ka šaj te ana odluke so ka keren le bahtalo.

2. Bašo so valjani te razmisline angleder te ane odluka?

Ki Biblija pišinela: „O pametno pazinela ko sekova plo čekori“ (Izreki 14:15). Adava značinela kaj angleder te ane nesavi odluka valjani te odvojne vreme hem te razmisline save opcie isi tut. Džikote kerea adava, puč tut: „Kola bibliska načelija važinena ki akaja situacija? Koja odluka ka anel mange andruno mir? Sar mli odluka ka vlijajnel upro javera? A soj najvažno, dali mli odluka ka kerel bahtalo e Jehova?“ (5. Mojseeva 32:29).

O Jehova isi le pravo te vakerel amenge soj tano šukar, a soj tano lošno. Keda zapoznajnaja šukar leskere zakonija hem načelija hem keda siem rešime te ikera amen ki lende, tegani ka razvina šukar sovest. I sovest tani čuvstvo so isi amen andre ki amende bašo adava soj tano ispravno, a soj pogrešno (Rimjanite 2:14, 15). Jekh šukar školujmi sovest ka pomožinel amenge te ana šukar odluke.

DOZNAJN POVIŠE

3. Mukh i Biblija te vodinel tut

VIDEOKLIPI: Mukh te vodinen tut o bibliska načelija (5:54)

• Soj tani i slobodno volja?

• Soske o Jehova dengja amen slobodno volja?

• So dengja amen o Jehova te šaj te ana šukar odluke?

Te šaj te dikhe jekh primer bašo biblisko načelo čitin Efešanite 5:15, 16, a palo adava keren lafi bašo akala pučiba. Sar šaj šukar te koristine tlo vreme...

• te šaj te uspejne te čitine redovno i Biblija?

• te ove pošukar bračno partneri, roditeli, čhavo ili čhaj?

• te ove prisutno ko sostanokija?

4. Školujn tli sovest te šaj te anel šukar odluke

VIDEOKLIPI: „Neka ovel tut čisto sovest“ (5:13)

• So kergja i phen ko videoklipi te šaj te školujnel pli sovest hem te anel odluka koja so ka kerel bahtalo e Jehova?

Soske na valjani te roda o javera te anen odluke namesto amende? Čitin Evreite 5:14, a palo adava keren lafi bašo akala pučiba:

• Iako šaj amenge polokho o javera te anen odluka namesto amen, sepak so valjani sekoj amendar te sikljovel te kerel?

• So šaj te pomožinel tuke te školujne tli sovest hem te ane šukar odluke?

5. Poštujn e javerengiri sovest

Sarine amen siem različna hem adaleske na anaja o ista odluke. Sar šaj te sikava kaj poštujnaja e javerengiri sovest? Te dikha duj situacie:

1. Situacija: Jekh phen koja so mangela te šminkinel pe selinela pe ko jekh javer sobranie kote so bute phenjenge adava smetinela.

Čitin Rimjanite 15:1 hem 1. Korinkjanite 10:23, 24, a palo adava keren lafi bašo akala pučiba:

• Sprema akala stihija, koja odluka šaj te anel i phen? So bi tu kerea, ako tli sovest dozvolinela tuke nešto te kere, ama sian nekasaja kaskiri sovest na dozvolinela leske te kerel adava?

2. Situacija: Jekh phral kanimo tano ko družibe kote so o phralja piena umereno alkohol. Ov džanela kaj i Biblija na zabraninela umereno te piel pe alkohol, ama sepak ov odlučinela te na piel ni najhari.

Čitin Propovednik 7:16 hem Rimjanite 14:1, 10, a palo adava keren lafi bašo akala pučiba:

• Sprema akala stihija, koja odluka šaj te anel o phral? So bi tu kerea, ako dikhea kaj nekoj kerela nešto so tli sovest na dozvolinela tuke?

Kola čekorija ka pomožinen tuke te ane šukar odluke?

1. Molin e Jehova te pomožinel tuke te šaj te džane so te kere (Jakov 1:5).

2. Istražin ki Biblija hem ko amare publikacie bašo bibliska načelija so šaj te pomožinen tuke ki adaja situacija. Isto agjaar, šaj te kere lafi jekhe zrelo hristijanea.

3. Razmislin sar tli odluka ka vlijajnel upri tli hem e javerengiri sovest.

SO SIKLILEM

Amen šaj te ana šukar odluke keda sikljovaja sar o Jehova dikhela ki nesavi buti hem keda laja ko obzir sar amare odluke ka vlijajnen upro javera.

Sar ka odgovorine?

• Sar šaj te ane odluke kola so ka keren bahtalo e Jehova?

• Sar šaj te školujne tli sovest?

• Sar šaj te sikave kaj poštujnea e javerengiri sovest?

ISTRAŽIN

Sar šaj te ane odluke kola so ka keren pozoralo tlo amalipe e Devlea?

„Donesuvaj odluki so koi kje go slaviš Bog“ (Stražarska kula taro 15 april 2011)

Sar šaj te ova poslušna e Jehovaske keda ko leskoro Lafi na pišinela so valjani te kera?

„Dali sekogaš ti treba bibliska zapoved?“ (Stražarska kula taro 1 dekemvri 2003)