• Tu šaj te ove e Jehovaskoro amal
    Ov bahtalo zasekogaš — biblisko kursi

    • 3. So rodela o Jehova taro ple amala?

      O Jehova mangela sa e manušen, ama „paše amal tano okolencar soj tane česna“ (Izreki 3:32). Ov rodela taro ple amala te keren adava so ov vakerela kaj tano šukar, a te na keren adava so ov vakerela kaj tano lošno. Nesave šaj mislinena kaj but pharo tano te keren sa adava so rodela o Jehova. Ama, o Jehova tano milostivo hem haljovela amen. Ov prifatinela sekole manuše so čače mangela le hem so but trudinela pe te kerel leskiri volja (Psalm 147:11; Dela 10:34, 35).

  • Ov česno ko sa
    Ov bahtalo zasekogaš — biblisko kursi

    • Ov česno ko sa

      Sarine mangena te ovel len amala soj tane česna. Isto agjaar, o Jehova da očekujnela taro ple amala te oven česna. Ama, adava nane lokho ko sveto kote so but manuša tane nečesna. Soske tano šukar te ova česna ko sa?

      1. Koja tani i najvažno pričina soske valjani te ova česna?

      Keda siem česna e javerencar, amen sikavaja kaj mangaja hem poštujnaja e Jehova. Razmislin bašo akava: O Jehova džanela sa so mislinaja hem so keraja (Evreite 4:13). Ov dikhela keda amen postapinaja česno hem adava kerela le bahtalo. Ki Biblija pišinela: „E Jehovaske tane odvratna o nečesna manuša, a paše amal tano okolencar soj tane česna“ (Izreki 3:32).

      2. Sar šaj te ova česna ko amaro sekojdnevno životo?

      O Jehova mangela te vakera „o čačipe jekh jekheske“ (Zaharija 8:16, 17). So značinela adava? Bizi razlika dali keraja lafi amare familijaja, amare kolegencar, amare phralencar hem phenjencar taro sobranie ili nesave državna službenikoncar, amen na hovavaja hem na daja pogrešna informacie. O česna manuša na prevarinena e javeren hem na čorena. (Čitin Izreki 24:28 hem Efešanite 4:28.) Ola isto agjaar platinena sa pumare smetke hem danokija (Rimjanite 13:5-7). Ama, na mangaja samo ko akala bukja te ova česna, nego amen „mangaja ko sa o bukja te ova česna“ (Evreite 13:18).

      3. Soske tano šukar te ova česna?

      Ako siem pendžarde sar česna, tegani e javeren ka ovel len doverba ki amende. Adava ka pomožinel sarine ko sobranie te osetinen pe sigurna hem paše sar jekh familija. Isto agjaar, amen ka ovel amen čisto sovest. Keda siem česna amen ukrasinaja o sikljojbe taro amaro Spasiteli, o Devel, hem adava šaj te pottikninel e javeren da te služinen e Jehovaske (Tit 2:10).

      DOZNAJN POVIŠE

      Dikh sar osetinela pe o Jehova keda siem česna hem sar i česnost šaj te koristinel tuke. Sikljov sar šaj te ove česno ko različna situacie ko životo.

      4. I česnost kerela bahtalo e Jehova

      Čitin Psalm 44:21 hem Malahija 3:16, a palo adava keren lafi bašo akala pučiba:

      • Soske nane razumno te mislina kaj šaj te garava o čačipe?

      • Nane sekogaš lokho te ova iskrena. Ama so mislinea, sar osetinela pe o Jehova keda amen sepak odlučinaja te vakera o čačipe?

      Jekh tikni čhaj kerela lafi ple dadea kova so telilo ko kočaka. Jekh čaša sokoja čhordili tari strana ko astali.

      Keda o čhave tane iskrena hem vakerena o čačipe, lengere roditelija tane bahtale. Keda amen siem iskrena hem vakeraja o čačipe, o Jehova tano bahtalo

      5. Ov česno ki sekoja situacija

      But manuša mislinena kaj našti sekogaš te ovel pe česno. Ama, dikh soske tano šukar te ova česna ki sekoja situacija. Dikh o VIDEOKLIPI.

      VIDEOKLIPI: So šaj te kerel amen bahtale? — I čisto sovest (2:32)

      Scena taro videoklipi „So šaj te kerel amen bahtale? — I čisto sovest“. Odkeda o Ben vakerela ple šefeske kaj kergja bari šteta, ola pozdravinena pe.

      Čitin Evreite 13:18, a palo adava keren lafi bašo akala pučiba. Sar šaj te ove česno...

      • ki familija?

      • ki buti ili ki škola?

      • ko javera situacie?

      6. Vredinela te ove česno

      Ponekogaš šaj te ovel amen problemija adaleske so siem česna. Ama, sar so ka nakhel o vreme ka dikha kaj adava tano o najšukar so šaj te kera. Čitin Psalm 34:12-16, a palo adava keren lafi bašo akava pučibe:

      • Sar i česnost kerela amaro životo pošukar?

      A. Jekh rom hem romni kerena lafi džikote piena kafa zaedno. B. Jekh mehaničari tano pofalimo taro plo šefi ki jekh rabotilnica. V. Jekh manuš taro vrda sikavela pli dozvola jekhe policajcoske.

      1. 1. Amaro brako ovela pozoralo

      2. 2. Amaro gazda ka ovel le doverba ki amende

      3. 3. Ka ova ko šukar glaso anglo vlastija

      NESAVE ŠAJ VAKERENA: „Nane strašno ako hari hovavea“.

      • So uverinela tut kaj o Jehova mrzinela sekova hovajbe?

      SO SIKLILEM

      O Jehova mangela leskere amala te oven česna ko sa so vakerena hem kerena.

      Sar ka odgovorine?

      • Sar šaj te sikava kaj siem česna?

      • Soske nane razumno te mislina kaj šaj te garava o čačipe?

      • Soske mangea te ove česno ki sekoja situacija?

      Cel

      ISTRAŽIN

      Sar šaj o roditelija te sikaven pumare čhaven te oven česna?

      Vaker o čačipe (1:44)

      Dikh soske mora te platine o danokija, čak keda džanea kaj ola na koristinena pe ko ispravno način.

      „Mora li da plakjaš danoci?“ (Stražarska kula taro 1 septemvri 2011)

      So pomožingja jekhe nečesno manušeske te meninel plo životo hem te ovel česno?

      „Doznav deka Jehova e milostiv i deka prostuva“ (Stražarska kula taro 1 maj 2015)

  • Mudro birin tle amalen
    Ov bahtalo zasekogaš — biblisko kursi

    • 2. Sar o Jehova osetinela pe keda dikhela koj tane amare amala?

      O Jehova vnimatelno birinela ple amalen. Ki Biblija pišinela kaj ov „paše amal tano okolencar soj tane česna“ (Izreki 3:32). Sar bi osetinela pe o Jehova ako birinaja amenge amala kola so na mangena le? Ov bi ovela but razočarimo! (Čitin Jakov 4:4.) Tari javer strana, o Jehova ka ovel bahtalo hem ka birinel amen sar ple amala, ako cidaja amen taro lošno društvo hem ako trudinaja amen te ova paše lea hem okolencar so mangena le (Psalm 15:1-4).