5. So očekujnela o Jehova taro ple amala?

Obično amen očekujnaja nesave bukja taro amare amala.

• Sar mangea tle amala te postapinen tuja?

Čitin 1. Jovanovo 5:3, a palo adava keren lafi bašo akava pučibe:

• So očekujnela o Jehova taro ple amala?

Te šaj te ova poslušna e Jehovaske, amen šaj ka valjani te kera promene ko adava sar ponašinaja amen hem ki amari ličnost. Čitin Isaija 48:17, 18, a palo adava keren lafi bašo akava pučibe:

• Soske o Jehova očekujnela taro ple amala te keren promene?

Dali tlo mangipe sprema o Devel akana tano pobaro nego keda počmingjan te proučine i Biblija? Dali mangea ponadari da te kere pozoralo tlo amalipe lea? Ako oja, tegani ma bistre kaj kobor poviše o Jehova dikhela kaj tlo mangipe sprema leste bajrola, doborom poviše ka mangel tut hem ka grižinel pe tuke. Sar šaj te sikave leske kaj mangea le?

1. Sar sikavaja e Jehovaske kaj mangaja le?

Amen sikavaja amaro mangipe e Jehovaske agjaar so siem leske poslušna. (Čitin 1. Jovanovo 5:3.) Ov nikas na čhivela silaja te ovel leske poslušno. Namesto adava, ov dela prilika sekaske amendar te birina dali ka ova leske poslušna ili na. Soske? O Jehova mangela te ova leske poslušna taro vilo (Rimjanite 6:17). Javere lafencar, ov mangela te ove leske poslušno adaleske so mangea le, a na adaleske so mora. O trito hem o štarto delo taro akava lil ka pomožinen tuke te sikave tlo mangipe e Jehovaske agjaar so ka kere adava so ov mangela, a nane te kere adava so ov na mangela.

2. Soske šaj te ovel amenge pharo te sikava amaro mangipe e Jehovaske?

„But nevolje isi e pravedniko“ (Psalm 34:19). Sarine amen borinaja amen amare maanencar hem slabostencar. Isto agjaar, šaj isi amen finansiska problemija, doživinaja nepravde ili soočinaja amen javere problemencar. Keda doživinaja asavke bukja šaj nane amenge lokho te kera adava so rodela amendar o Jehova hem šaj mislinaja kaj ka ovel polokho te kera agjaar sar so amen mangaja. Ama, keda siem leske poslušna čak keda nane amenge lokho, amen sikavaja kaj mangaja le poviše taro bilo so javer hem kaj siem leske verna. Tegani, ov da ka ovel amenge verno hem nikogaš nane te mukhel amen. (Čitin Psalm 4:3.)

4. Ker e Jehovaskoro vilo bahtalo

Čitin Izreki 27:11, a palo adava keren lafi bašo akala pučiba:

• Sar osetinela pe o Jehova keda amen postapinaja mudro hem siem leske poslušna? Soske osetinela pe agjaar?

5. Tu šaj te ove verno e Jehovaske

VIDEOKLIPI: Branin tli vera keda protivinena pe tuke (5:09)

• Dali nekogaš sine tuke pharo te vakere e javerenge bašo Jehova?

• Sar so dikhlem ko videoklipi, so pomožingja e Grejsoneske te pobedinel pli dar?

Ako mangaja adava so o Jehova mangela hem ako mrzinaja adava so ov mrzinela, tegani ka ovel amenge polokho te ova leske verna. Čitin Psalm 97:10, a palo adava keren lafi bašo akala pučiba:

• Taro adava so sikliljan dži akana, so mislinea kola bukja mangela o Jehova, a kola bukja mrzinela?

• So ka pomožinel tuke te sikljove te mange adava soj šukar hem te mrzine adava soj lošno?

6. Amare šukaripaske tano te ova poslušna e Jehovaske

Sekogaš tano najšukar te ova poslušna e Jehovaske. Čitin Isaija 48:17, 18, a palo adava keren lafi bašo akala pučiba:

• So mislinea, soske šaj te ovel amen doverba ko Jehova kaj ov sekogaš džanela soj tano amenge najšukar?

• Sar adava so sikliljan baši Biblija hem bašo čačutno Devel, o Jehova, pomožingja tuke dži akana?

SO SIKLILEM

Amen sikavaja amaro mangipe e Jehovaske agjaar so siem leske poslušna hem verna, čak keda adava tano pharo.

Sar ka odgovorine?

• So sikliljan taro e Joveskoro primer?

• Sar šaj te sikave tlo mangipe e Jehovaske?

• So ka pomožinel tuke te ačhove verno e Jehovaske?

ISTRAŽIN

Sikljov poviše bašo e Satanaskere obvinenija protiv o manuša.

„Jov mu ostanuva veren na Bog“ (Biblijata — koja e nejzinata poraka? Del 6)

Dikh sar šaj čak o čhave te sikaven pumaro mangipe e Jehovaske.

Raduvaj go Jehova (8:16)

Sar šaj o terne kola so isi len pritisok taro vrsnikija te ačhoven verna e Devleske?

Ačhov zoralo keda isi tut pritisok taro vrsnikija! (3:59)

Sarine valjani te ana odluke. O odluke so anaja len isi len baro vlijanie upri amende hem upro amaro odnos e Jehovaja. Na primer, šaj valjani te odlučina kote ka živina, sar te grižina amen bašo amare finansiska potrebe hem dali te khuva ko brako ili na. Keda anaja šukar odluke, amen šaj te ovel amen bahtalo životo hem te kera e Jehova bahtalo.

1. Sar šaj i Biblija te pomožinel tuke te ane šukar odluke?

Angleder te ane nesavi odluka, molin e Jehova baši pomoš hem istražin ki Biblija te šaj te haljove sar o Jehova dikhela ki adaja buti. (Čitin Izreki 2:3-6.) Bašo nesave bukja, o Jehova dengja jasno zapoved. Ko asavke situacie najšukar tano te šuna adaja zapoved.

Ama, so ako nane jasno zapoved ki Biblija bašo adava so valjani te kere? O Jehova tegani da ka vodinel tut „ko drumo koleste so valjani te dža“ (Isaija 48:17). Sar? Preku o načelija so arakhljovena ko leskoro Lafi. O bibliska načelija tane osnovna bibliska čačipa kola so pomožinena amenge te haljova so mislinela o Devel hem so osetinela bašo nesave bukja. But puti taro nesavo izveštaj ki Biblija šaj te sikljova so o Jehova mislinela baši nesavi buti. Keda džanaja sar o Jehova dikhela ki nesavi buti, ka šaj te ana odluke so ka keren le bahtalo.

2. Bašo so valjani te razmisline angleder te ane odluka?

Ki Biblija pišinela: „O pametno pazinela ko sekova plo čekori“ (Izreki 14:15). Adava značinela kaj angleder te ane nesavi odluka valjani te odvojne vreme hem te razmisline save opcie isi tut. Džikote kerea adava, puč tut: „Kola bibliska načelija važinena ki akaja situacija? Koja odluka ka anel mange andruno mir? Sar mli odluka ka vlijajnel upro javera? A soj najvažno, dali mli odluka ka kerel bahtalo e Jehova?“ (5. Mojseeva 32:29).

O Jehova isi le pravo te vakerel amenge soj tano šukar, a soj tano lošno. Keda zapoznajnaja šukar leskere zakonija hem načelija hem keda siem rešime te ikera amen ki lende, tegani ka razvina šukar sovest. I sovest tani čuvstvo so isi amen andre ki amende bašo adava soj tano ispravno, a soj pogrešno (Rimjanite 2:14, 15). Jekh šukar školujmi sovest ka pomožinel amenge te ana šukar odluke.

DOZNAJN POVIŠE

3. Mukh i Biblija te vodinel tut

VIDEOKLIPI: Mukh te vodinen tut o bibliska načelija (5:54)

• Soj tani i slobodno volja?

• Soske o Jehova dengja amen slobodno volja?

• So dengja amen o Jehova te šaj te ana šukar odluke?

Te šaj te dikhe jekh primer bašo biblisko načelo čitin Efešanite 5:15, 16, a palo adava keren lafi bašo akala pučiba. Sar šaj šukar te koristine tlo vreme...

• te šaj te uspejne te čitine redovno i Biblija?

• te ove pošukar bračno partneri, roditeli, čhavo ili čhaj?

• te ove prisutno ko sostanokija?

4. Školujn tli sovest te šaj te anel šukar odluke

VIDEOKLIPI: „Neka ovel tut čisto sovest“ (5:13)

• So kergja i phen ko videoklipi te šaj te školujnel pli sovest hem te anel odluka koja so ka kerel bahtalo e Jehova?

Soske na valjani te roda o javera te anen odluke namesto amende? Čitin Evreite 5:14, a palo adava keren lafi bašo akala pučiba:

• Iako šaj amenge polokho o javera te anen odluka namesto amen, sepak so valjani sekoj amendar te sikljovel te kerel?

• So šaj te pomožinel tuke te školujne tli sovest hem te ane šukar odluke?

5. Poštujn e javerengiri sovest

Sarine amen siem različna hem adaleske na anaja o ista odluke. Sar šaj te sikava kaj poštujnaja e javerengiri sovest? Te dikha duj situacie:

1. Situacija: Jekh phen koja so mangela te šminkinel pe selinela pe ko jekh javer sobranie kote so bute phenjenge adava smetinela.

Čitin Rimjanite 15:1 hem 1. Korinkjanite 10:23, 24, a palo adava keren lafi bašo akala pučiba:

• Sprema akala stihija, koja odluka šaj te anel i phen? So bi tu kerea, ako tli sovest dozvolinela tuke nešto te kere, ama sian nekasaja kaskiri sovest na dozvolinela leske te kerel adava?

2. Situacija: Jekh phral kanimo tano ko družibe kote so o phralja piena umereno alkohol. Ov džanela kaj i Biblija na zabraninela umereno te piel pe alkohol, ama sepak ov odlučinela te na piel ni najhari.

Čitin Propovednik 7:16 hem Rimjanite 14:1, 10, a palo adava keren lafi bašo akala pučiba:

• Sprema akala stihija, koja odluka šaj te anel o phral? So bi tu kerea, ako dikhea kaj nekoj kerela nešto so tli sovest na dozvolinela tuke?

Kola čekorija ka pomožinen tuke te ane šukar odluke?

1. Molin e Jehova te pomožinel tuke te šaj te džane so te kere (Jakov 1:5).

2. Istražin ki Biblija hem ko amare publikacie bašo bibliska načelija so šaj te pomožinen tuke ki adaja situacija. Isto agjaar, šaj te kere lafi jekhe zrelo hristijanea.

3. Razmislin sar tli odluka ka vlijajnel upri tli hem e javerengiri sovest.

SO SIKLILEM

Amen šaj te ana šukar odluke keda sikljovaja sar o Jehova dikhela ki nesavi buti hem keda laja ko obzir sar amare odluke ka vlijajnen upro javera.

Sar ka odgovorine?

• Sar šaj te ane odluke kola so ka keren bahtalo e Jehova?

• Sar šaj te školujne tli sovest?

• Sar šaj te sikave kaj poštujnea e javerengiri sovest?

ISTRAŽIN

Sar šaj te ane odluke kola so ka keren pozoralo tlo amalipe e Devlea?

„Donesuvaj odluki so koi kje go slaviš Bog“ (Stražarska kula taro 15 april 2011)

Sar šaj te ova poslušna e Jehovaske keda ko leskoro Lafi na pišinela so valjani te kera?

„Dali sekogaš ti treba bibliska zapoved?“ (Stražarska kula taro 1 dekemvri 2003)