Panda hari, o Jehova preku plo Carstvo ka rešinel sa amare problemija. Akava šukar haberi na valjani te garava le samo amenge. O Isus manglja leskere sledbenikija te vakeren akava haberi sarinenge! (Matej 28:​19, 20). Sar e Jehovaskere svedokija ikerena adava so zapovedingja o Isus?

1. Sar o lafija taro Matej 24:14 ispolninena pe avdive?

O Isus prorokujngja: „Akava šukar haberi bašo Carstvo ka propovedinel pe ko celo sveto“ (Matej 24:14). E Jehovaskere svedokija tane bahtale so šaj te učestvujnen ko akava propovedničko delo. Amen propovedinaja o šukar haberi ko celo sveto hem adava ko poviše taro 1.000 čhibja! Te šaj te kerel pe akava but baro delo valjani but vreme, sila hem valjani šukar te organizirinel pe. Bizo e Jehovaskiri pomoš akava našti te kerel pe.

2. So sa keraja te šaj te propovedina e manušenge?

Amen propovedinaja segde kote so šaj te arakha manuša. Isto sar so kerena sine o hristijanja taro prvo veko, amen da propovedinaja „taro kher ko kher“ (Dela 5:42). Preku akava način amen šaj te kera lafi milionja manušencar sekova berš. Adaleske so našti e manušen sekogaš te arakha khere, amen isto agjaar propovedinaja ko but prometna thana. Sekogaš rodaja prilike te vakera e javerenge bašo Jehova hem bašo adava so ov ka kerel e manušenge.

3. Koj valjani te propovedinel o šukar haberi?

Sa e čačutne hristijanen isi len odgovornost te propovedinen o šukar haberi e javerenge. Amen seriozno dikhaja ki akaja zadača. Adaleske so siem svesna kaj akava haberi šaj te spasinel e manušengoro životo, daja amendar sa te propovedina kobor so šaj sprema amare okolnostija. (Čitin 1. Timotej 4:16.) Amen na dobinaja pare bašo adava so propovedinaja, soske i Biblija vakerela: „Bizo pare dobingjen, bizo pare den“ (Matej 10:7, 8). Iako but manuša na mangena te šunen, amen ponadari da propovedinaja soske agjaar služinaja e Jehovaske hem keraja le bahtalo.

DOZNAJN POVIŠE

4. Amen but trudinaja amen te resa dži ko sa o manuša

VIDEOKLIPI: Propovedibe ko „najdur thana ki Phuv“ (7:33)

• So mislinea bašo adava so e Jehovaskere svedokija but trudinena pe te propovedinen?

Čitin Matej 22:39 hem Rimjanite 10:13-15, a palo adava keren lafi bašo akala pučiba:

• Sar adava so propovedinaja sikavela kaj mangaja amare pašutnen?

• Sar dikhela o Jehova ko okola so propovedinena o šukar haberi? (Dikh o stiho 15.)

5. Amen siem e Devleskere sorabotnikija

But iskustvija sikavena kaj o Jehova vodinela amaro propovedibe. Na primer, džikote propovedinela sine paloručko taro kher ko kher, o phral o Pol taro Nov Zeland arakhlja jekhe džuvlja. Adaja džuvli sabajle molingja pe e Devleske te bičhalel nekas taro ple sluge. Ki molitva oj koristingja e Devleskoro anav, Jehova. O Pol vakerela: „Trin saatija pokasno me aljum ko lakoro udar“.

Čitin 1. Korinkjanite 3:9, a palo adava keren lafi bašo akava pučibe:

• Sar sikavena o iskustvija, sar na primer adava taro Nov Zeland, kaj o Jehova vodinela o propovedibe?

Čitin Dela 1:8, a palo adava keren lafi bašo akava pučibe:

• Soske valjani amenge e Jehovaskiri pomoš te šaj te propovedina?

Dali džanljan?

Sekova kurko ko jekh taro amare sostanokija amen sikljovaja sar te propovedina. Ako sian sine prisutno ko jekh asavko sostanok, so mislinea tu baši adaja obuka so dobinaja?

6. Poslušna siem ki e Devleskiri zapoved te propovedina

Ko prvo veko o protivnikija mangle te čhinaven e Isuseskere sledbenikon te propovedinen. Ama, o prva hristijanja anglo zakoni braningje pumaro pravo te propovedinen o šukar haberi (Filipjanite 1:7). Avdive, e Jehovaskere svedokija kerena o isto.a

VIDEOKLIPI: Zakonsko potvrdimo amaro pravo te propovedinel pe (2:28)

Čitin Dela 5:27-42, a palo adava keren lafi bašo akava pučibe:

• Soske nane te čhinava te propovedina? (Dikh o stihija 29, 38 hem 39.)

SO SIKLILEM

O Isus vakergja ple sledbenikonge te propovedinen o šukar haberi ko celo sveto. O Jehova pomožinela ple narodo te kerel adaja zadača.

Sar ka odgovorine?

• Sar propovedinela pe o šukar haberi ko celo sveto?

• Soske amaro propovedibe sikavela kaj mangaja amare pašutnen?

• So mislinea, dali o propovedibe šaj te kerel amen bahtale? Soske mislinea agjaar?

ISTRAŽIN

Doznajn savo bahtalipe angja jekhe phenjake adava so posvetingja celo plo životo ko propovedibe.

Bahtali sium so biringjum akava životo (6:29)

Čitin bašo nesave važna sudska odluke kola so kergje polokho te propovedinel pe o šukar haberi.

„Zakonsko potvrduvanje na našeto pravo da propovedame“ (Božjeto Carstvo vladee!, poglavje 13)

O Isus vakergja kaj valjani te krstina amen ako mangaja te ova hristijanja. (Čitin Matej 28:19, 20.) Ama, soj tano o krstibe? Hem so valjani nekoj te kerel te šaj te resel dži ko krstibe?

1. Sar valjani nekoj te krstinel pe?

O grčko lafi soj tano prevedimo sar „krstibe“ značinela „te potopinel pe“ telo pani. Keda o Isus krstingja pe, ov sine potopimo ko pani ki reka Jordan hem palo adava „iklilo taro pani“ (Marko 1:9, 10). Isto sar o Isus, o čačutne da hristijanja krstinena pe agjaar so ovena celosno potopime telo pani.

2. So sikavela o krstibe?

Keda nekoj krstinela pe, ov sikavela kaj dengja lafi e Jehovaske kaj ka služinel leske. Angleder o krstibe, ki jekh lično molitva ov vakerela e Jehovaske kaj mangela te služinel leske zasekogaš. Ov vetinela kaj ka služinel samo e Jehovaske hem kaj najvažno buti ko životo ka ovel leske te kerel e Devleskiri volja. Ov odlučingja te otkažinel pe pestar hem te džal palo Isus, agjaar so ka ikerel leskere sikljojba hem ka džal palo leskoro primer (Matej 16:24). Adalea so dela lafi kaj ka služinel e Jehovaske hem so krstinela pe ovela paše amal e Jehovaja hem leskere narodoja.

3. So valjani te kerel nekoj te šaj te krstinel pe?

Angleder te krstine tut, but tano važno te sikljove bašo Jehova hem te gradine vera ki leste. (Čitin Evreite 11:6.) Kobor poviše sikljovea baši leste hem kobor poviše bajrovela tli vera ki leste, doborom poviše ka bajrovel tlo mangipe sprema o Jehova. Tegani ka mange te propovedine baši leste hem te živine sprema leskere merilija (2. Timotej 4:2; 1. Jovanovo 5:3). Keda nekoj živinela životo soj dostojno e Jehovaske hem agjaar celosno ugodinela leske, ov šaj te odlučinel te del lafi e Devleske kaj ka služinel leske hem te krstinel pe (Kološanite 1:9, 10).a

DOZNAJN POVIŠE

4. So sikljovaja taro adava sar sine krstimo o Isus?

Čitin Matej 3:13-17 te šaj te dikhe poviše detalija bašo e Isuseskoro krstibe, a palo adava keren lafi bašo akala pučiba:

• Dali o Isus sine bebe keda krstingja pe?

• Sar sine krstimo o Isus? Dali sine samo prskimo panjea?

Otkeda sine krstimo, o Isus počmingja te kerel i posebno zadača koja so sine leske dendi taro Devel. Čitin Luka 3:21-23 hem Jovan 6:38, a palo adava keren lafi bašo akava pučibe:

• Koja zadača sine e Isuseske najvažno palo leskoro krstibe?

5. Tu šaj te rese i cel te krstine tut

Šaj mislinea tuke kaj nikogaš ka našti te uspejne te de lafi e Jehovaske kaj ka služine leske hem te krstine tut. Ama, ako ponadari da sikljovea bašo Jehova hem zapoznajnea le pošukar, tegani ka ove posigurno te ane asavki važno odluka. Te šaj te dikhe sar nesave manuša uspejngje ko adava dikh o VIDEOKLIPI.

VIDEOKLIPI: Ov paše e Jehovaja (1:11)

Čitin Jovan 17:3 hem Jakov 1:5, a palo adava keren lafi bašo akava pučibe:

• So ka pomožinel nekaske te ovel spremno bašo krstibe?

1. 1. Angleder te krstina amen, ki molitva daja lafi e Jehovaske kaj ka služina leske celo životo

2. 2. Keda krstinaja amen, sikavaja e javerenge kaj dengjem lafi e Jehovaske kaj ka služina leske celo životo

6. Keda krstinaja amen ovaja delo tari e Jehovaskiri familija

Keda krstinaja amen, ovaja delo tari jekh but bari familija soj tani ko celo sveto. Iako živinaja ko različna thana hem avaja taro različna kulture, amen siem ko jekhipe adaleske so isi amen ista veruvanja hem živinaja sprema o ista moralna merilija. Čitin Psalm 25:14; 133:1, a palo adava keren lafi bašo akava pučibe:

• Savo ka ovel amaro odnos e Jehovaja hem okolencar so služinena leske otkeda ka krstina amen?

SO SIKLILEM

O Isus vakergja kaj o hristijanja valjani te krstinen pe. Angleder nekoj te krstinel pe, valjani te gradinel zorali vera ko Jehova, te živinel sprema leskere merilija hem te del lafi kaj ka služinel leske celo životo.

Sar ka odgovorine?

• Sar valjani nekoj te krstinel pe hem soske o krstibe tano važno?

• Koja tani i razlika maškar adava te da lafi e Jehovaske kaj ka služina leske celo životo hem o krstibe?

• So valjani te kere angleder te de lafi e Jehovaske kaj ka služine leske celo životo hem te krstine tut?

ISTRAŽIN

Sikljov soj tano, a so nane o krstibe.

„Soj tano o krstibe?“ (internet statija)

Doznajn kola bukja ka pomožinen tuke te rese dži ko krstibe.

„O mangipe sprema o Jehova ka pottikninel tut te krstine tut“ (Stražarsko kula taro mart 2020)

Čitin so pottikningja jekhe manuše te krstinel pe.

„Sakaa sam da ja otkrijam vistinata“ (Stražarska kula taro 1 fevruari 2013)

Doznajn soske vredinela te krstine tut hem sar šaj te spremine tut bašo adava.

„Dali da se krstam?“ (Mladite prašuvaat — delotvorni odgovori (tom 2), poglavje 37)