Iako i Pasha nane pretslika baši Spomen-svečenost, nesave bukja tari Pasha isi len baro značenje amenge avdive. Na primer, o apostol Pavle vakergja bašo Isus „amari pashalno žrtva“ (1Ko 5:7). Isto sar so o rat e bakhreskoro kova so sine prskimo ko ramke taro udar spasingja but životija, agjaar e Isuseskoro da rat spasinela but životija (2Mo 12:12, 13). Osven adava, taro pashalno bakhro na valjani sine te phagel pe ni jekh kokalo. Isto agjaar, e Isusestar na sine phago ni jekh kokalo, iako adava kerela pe sine keda nekas mudarena (2Mo 12:46; Jvn 19:31-33, 36).