• Sar dikhela o Devel ko proslave hem ko praznikija?
    Ov bahtalo zasekogaš — biblisko kursi

    • Čitin Efešanite 5:10, a palo adava keren lafi bašo akala pučiba:

      • So mora te ispitina angleder te ana odluka dali ka učestvujna ki nesavi proslava ili prazniko?

      • Save proslave ili praznikija tane popularna ko than kote so živinea?

      • So mislinea, dali ola tane ugodna e Jehovaske?

      Na primer, dali nekogaš pučljan tut so mislinela o Devel bašo adava te slavinel pe o bijando dive? Ki Biblija na pišinela kaj nesavo sluga e Jehovaskoro slavingja plo bijando dive. Ama, ki late pišinela kaj duj manuša kola so na služinena sine e Jehovaske slavingje pumaro bijando dive. Čitin 1. Mojseeva 40:20-22 hem Matej 14:6-10, a palo adava keren lafi bašo akala pučiba:

      • So isi len zaedničko akala duj proslave bašo bijando dive?

      • Sprema akala bibliska izveštaija, so mislinea, sar o Jehova dikhela ko adava te slavinel pe o bijando dive?

      Sepak, šaj pučea tut: „Dali e Jehovaske čače tano doborom važno dali me ka džav ki jekh proslava bašo bijando dive ili ki jekh javer proslava koja tani protiv leskere načelija?“ Čitin 2. Mojseeva 32:1-8, a palo adava dikh o VIDEOKLIPI hem keren lafi bašo akala pučiba:

      VIDEOKLIPI: Praznikija hem proslave kola so na mangela o Devel (5:07)

      • Soske tano važno te džana kola proslave hem praznikija mangela o Jehova a kola na?

      • So mislinea, sar šaj te doznajna adava?

      Sar šaj te doznajna kola proslave ili praznikija na mangela o Devel?

      • Dali temelinena pe ko sikljojba so nane bibliska? Te šaj te doznajne adava ispitin o poteklo.

      • Dali dena čest e manušenge, e organizacienge ili nacionalna simbolenge? Amen sikavaja čest samo e Jehovaske hem isi amen doverba kaj ov ka rešinel o problemija ko sveto.

      • Dali adava so kerela pe ki lende tano protiv e Devleskere načelija? Amen valjani te ačhova moralno čista.

  • Birin zabava koja soj tani ugodno e Jehovaske
    Ov bahtalo zasekogaš — biblisko kursi
    • Lekcija 53. Jekh dad, daj hem čhaj hana pucanke hem dikhena televizija.

      LEKCIJA 53

      Birin zabava koja soj tani ugodno e Jehovaske

      O Jehova tano „bahtalo Devel“ (1. Timotej 1:11). Ov mangela amen da te ova bahtale, te uživina ko životo hem te arakha vreme bašo odmor taro sekojdnevna obvrske. Ki akaja lekcija ka sikljova sar šaj mudro te koristina amaro slobodno vreme hem sar šaj te birina zabava kolate so ka uživina, ama koja so ko isto vreme ka ovel prifatlivo e Jehovaske.

      1. Bašo so valjani te razmislina angleder te birina zabava?

      So obično kerea keda mangea te opuštine tut? Nesave mangena te nakhaven pumaro slobodno vreme bešindor khere hem te čitinen lil, te šunen muzika, te dikhen nesavo filmi ili nešto ko internet. A javera poviše mangena te ikljoven te phiren pumare amalencar hem te sportujnen. Bizi razlika so poviše mangaja te kera, valjani te ova sigurna kaj adava so keraja ko amaro slobodno vreme tano „prifatlivo e Gospodareske“ (Efešanite 5:10). Adava tano važno soske ko pobaro delo tari zabava avdive, isi bukja kola so o Jehova mrzinela sar na primer, nasilstvo, seksualno nemoral ili spiritizam. (Čitin Psalm 11:5.) So ka pomožinel amenge mudro te birina amari zabava?

      Ako isi amen amala so mangena e Jehova, ola šaj šukar te vlijajnen upri amende hem upro adava savi zabava ka birina. Sar so siklilem ki 48 lekcija i Biblija vakerela: „Koj džala mudra manušencar, mudro ka ovel“. Tari javer strana, koj redovno družinela pe manušencar kola so na mangena e Devleskere merilija, „lošno ka nakhel“ (Izreki 13:20).

      2. Soske tano važno te pazina kobor vreme trošinaja ki zabava?

      Čak ako i zabava so biringjem nane protiv e Jehovaskere merilija, sepak valjani te pazina kobor vreme trošinaja ki late. Ako na keraja adava, tegani šaj nane te ovel amen dovolno vreme bašo považna bukja. I Biblija pottikninela amen: „Šukar koristinen tumaro vreme“. (Čitin Efešanite 5:15, 16.)

      DOZNAJN POVIŠE

      Sikljov sar te ane šukar odluke baši tli zabava.

      3. Izbegin i lošno zabava

      Soske valjani šukar te birina amari zabava? Dikh o VIDEOKLIPI, a palo adava keren lafi bašo akala pučiba:

      VIDEOKLIPI: Savi zabava te birinav? (4:39)

      • Sar nesave avdisutne zabave ličinena ko gladijatorska borbe taro purano Rim?

      • So siklilo o terno phral baši zabava?

      Čitin Rimjanite 12:9, a palo adava keren lafi bašo akava pučibe:

      • Sar šaj akava stiho te pomožinel tuke te birine šukar zabava?

      Kola tane nesave bukja so mrzinela o Jehova? Čitin Izreki 6:16, 17 hem Galatite 5:19-21. Palo sekova stiho keren lafi bašo akava pučibe:

      • Kola taro bukja soj spomnime ko akala stihija isi ki avdisutni zabava?

      Sar šaj mudro te birine tli zabava?

      Puč tut:

      • So? Dali ki adaja zabava isi bukja kola so o Jehova mrzinela?

      • Keda hem kobor? Dali adaja zabava lela mandar vreme taro považna bukja?

      • Kasaja? Dali adaja zabava ka kerel man te ovav popaše hem počesto e manušencar kola so na mangena e Jehova?

      Dali bi vozinea ki ivica taro akava planinsko drumo? Sigurno na! Slično agjaar, mudro tano te izbegina sekoja zabava so šaj lošno te vlijajnel upri amende

      Jekh vrda vozinela ki ivica taro jekh planinsko drumo. O paluno delo taro vrda više visinela. Falinela panda hari hem o vrda ka perel.

      4. Mudro koristin tlo vreme

      Dikh o VIDEOKLIPI, a palo adava keren lafi bašo akava pučibe:

      VIDEOKLIPI: Ko so nakhavea tlo vreme? (2:45)

      • O phral taro videoklipi na dikhela sine ništo lošno, ama so sine leskoro problemi?

      Čitin Filipjanite 1:10, a palo adava keren lafi bašo akava pučibe:

      • Sar akava stiho šaj te pomožinel amenge te odlučina kobor vreme ka nakhava ki zabava hem ki rekreacija?

      5. Birin šukar zabava

      Sar so siklilem dži akana, nane sekoja zabava prifatlivo e Jehovaske. Sepak, isi but vrste zabave kolende so šaj te uživina. Čitin Propovednik 8:15 hem Filipjanite 4:8, a palo adava keren lafi bašo akava pučibe:

      • Kola bukja mangea te kere ko tlo slobodno vreme?

      Slike: Manuša tari različno vozrast, uživinena ki šukar zabava hem rekreacija. 1. Jekh džuvli šunela muzika hem crtinela. 2. Trin terne murša khelena košarka. 3. Duj čhave vozinena točako. 4. Jekh čhavo kerela peske igračka so izgledinela sar vrda. 5. Jekh manuš bašalela ko davuli. 6.Jekh čhavo khelela videoigre ple dadea. 7. Jekh džuvli slikinela.

      Isi but vrste zabave hem rekreacie kolende so šaj te uživine

      NESAVE ŠAJ VAKERENA: „Nane ništo lošno te birine zabava kote so isi nasilstvo, nemoral ili spiritizam, sa džikote na kerea adala bukja“.

      • So ka vakere tu?

      SO SIKLILEM

      O Jehova mangela te birina šukar zabava hem te uživina ki late.

      Sar ka odgovorine?

      • Savi zabava valjani te izbegina?

      • Soske valjani te pazina kobor vreme trošinaja ki zabava?

      • Soske mangea te birine zabava koja soj ugodno e Jehovaske?

      Cel

      ISTRAŽIN

      Dikh koj valjani te birinel tli zabava hem rekreacija.

      „Dali Jehovinite svedoci zabranuvaat odredeni filmovi, knigi ili pesni?“ (internet statija)

      Dikh sar šaj te ane šukar odluke keda kerela pe lafi baši zabava.

      „Kako da izbereme dobra razonoda?“ (Stražarska kula taro 15 oktomvri 2011)

      Ko iskustvo e naslovea „Gi nadminav duri i predrasudite“, čitin soske jekh manuš meningja pli zabava.

      „Biblijata menuva životi“ (Stražarska kula taro 1 fevruari 2010)

      Dikh sar jekh daj anela mudro odluka baši pli zabava.

      Čuvaj se od zabava vo koja ima okultizam (2:02)